બોલીવુડ એક્ટ્રેસ વિદ્યા બાલન હાલમાં જ ફિલ્મ ‘ભૂલ ભુલૈયા 3’માં જોવા મળી હતી. ફેન્સે આ ફિલ્મને ખૂબ પસંદ કરી અને તેના ખૂબ વખાણ કર્યા. આ ફિલ્મે બોક્સ ઓફિસ પર જોરદાર કમાણી પણ કરી હતી. હાલમાં ફિલ્મના સ્ટાર્સ આ ફિલ્મની સફળતાનો આનંદ માણી રહ્યા છે. પરંતુ આ દરમિયાન એક્ટ્રેસ વિદ્યા બાલન અન્ય કોઈ મુદ્દાને લઈને સમાચારમાં છે. એક્ટ્રેસની ટીમે પણ આ અંગે સ્પષ્ટતા આપવી પડી હતી.
વિદ્યા બાલનની ટીમે શું કહ્યું?
જ્યારે ફેન્સે વિદ્યા બાલનને રોહિત શર્માને સપોર્ટ કરવા બદલ ટ્રોલ કરી, ત્યારે એક્ટ્રેસની ટીમે ઓફિશિયલ નિવેદન જાહેર કરવું પડ્યું. સ્પષ્ટતા આપતાં વિદ્યાની ટીમે કહ્યું કે તાજેતરમાં વિદ્યાએ રોહિત શર્માને લઈને શેર કરેલી પોસ્ટે ફેન્સમાં ભ્રમ ફેલાવ્યો છે. આ પોસ્ટ વિશે લોકો અલગ-અલગ વાતો કહી રહ્યા છે, પરંતુ અમે તમને જણાવવા માંગીએ છીએ કે વિદ્યાની આ પોસ્ટ સંપૂર્ણપણે તેની પોતાની ઈચ્છાથી કરવામાં આવી હતી.
કોઈ પીઆરના કહેવાથી નથી કર્યું
ટીમે કહ્યું કે વિદ્યાએ ન તો કોઈ અર્થ વગર આ પોસ્ટ શેર કરી અને ન તો તેને કોઈ પીઆરના કહેવા પર આવું કર્યું. ટીમે કહ્યું કે વિદ્યા બાલન ભલે રમતગમતની મોટી ફેન ન હોય, પરંતુ તે ચોક્કસપણે એવા લોકોની ફેન છે જેઓ મુશ્કેલ સમયમાં પોતાની ગરિમા કેવી રીતે જાળવી રાખવી તે જાણે છે. કોઈપણ સારા વિચારની પ્રતિક્રિયા પર સવાલ ઉઠાવવો એ બકવાસ છે.
શું છે સમગ્ર મામલો?
આ સમગ્ર મામલાની વાત કરીએ તો, હાલમાં જ જ્યારે રોહિત શર્માએ ઓસ્ટ્રેલિયા વિરૂદ્ધ સિડનીમાં રમાયેલી પાંચમી ટેસ્ટમાં મોટો નિર્ણય લીધો હતો અને પોતાને પ્લેઈંગ 11માંથી બહાર રાખવામાં આવ્યો હતો, ત્યારે તેના નિર્ણયની ખૂબ પ્રશંસા કરવામાં આવી હતી. માત્ર ફેન્સ અને યુઝર્સ જ નહીં પરંતુ બોલીવુડ સ્ટાર્સે પણ રોહિતની પ્રશંસા કરી હતી. આ દરમિયાન જ્યારે વિદ્યા બાલને પણ રોહિત વિશે એક પોસ્ટ શેર કરી ત્યારે તેના પર સવાલો ઉઠ્યા હતા.
યુઝર્સે એક્ટ્રેસને કરી ટ્રોલ
એક્ટ્રેસની પોસ્ટ જોઈને ફેન્સે તેને ટ્રોલ કરવાનું શરૂ કરી દીધું હતું. સોશિયલ મીડિયા યુઝર્સે કહ્યું કે વિદ્યા બાલને રોહિત શર્માની પીઆર ટીમના મેસેજને કોપી-પેસ્ટ કર્યો હતો, જેના કારણે વિદ્યા અને રોહિત બંને ટ્રોલર્સના નિશાન બન્યા હતા. હાલમાં એક્ટ્રેસની ટીમે સ્પષ્ટ કર્યું છે કે એવું કંઈ જ ન હતું.
