વિજય હજારે ટ્રોફી એ BCCI દ્વારા આયોજિત લિસ્ટ A ટુર્નામેન્ટ છે. ચાહકો આ ઘરેલુ ટુર્નામેન્ટની આતુરતાથી રાહ જોઈ રહ્યા છે,કારણ કે વિરાટ કોહલી અને રોહિત શર્મા પણ જોવા મળશે .કોહલી છેલ્લે 2010માં રમ્યો હતો.જ્યારે તે તેની કારકિર્દીના પ્રારંભિક તબક્કામાં હતો. રોહિત ઘણા વર્ષો પછી પણ તેમાં રમશે. જાણો વિરાટ અને રોહિત વિજય હજારે ટ્રોફી 2025-26 માં કઈ મેચ રમશે.
વિરાટ કોહલી 15 વર્ષ પછી વિજય હજારે ટ્રોફીમાં રમશે
વિરાટ કોહલી 15 વર્ષ પછી વિજય હજારે ટ્રોફીમાં રમશે, અને રોહિત શર્મા સાત વર્ષ પછી. બંને અનુભવી ખેલાડીઓ T20 અને ટેસ્ટ ક્રિકેટમાંથી નિવૃત્તિ લઈ ચૂક્યા છે; તેઓ હવે ODI રમે છે. વિજય હજારે ટ્રોફી પણ ODI ફોર્મેટમાં રમાય છે. ન્યુઝીલેન્ડ સામેની ODI શ્રેણી પહેલા આ ટુર્નામેન્ટ બંને ખેલાડીઓ માટે ખાસ રહેશે, કારણ કે બંને પાછલી સીરિઝમાં સારા ફોર્મમાં હતા. DDCA એ પહેલાથી જ પુષ્ટિ કરી દીધી છે કે વિરાટ કોહલી અને ઋષભ પંતે તેમની ઉપલબ્ધતાની પુષ્ટિ કરી છે, અને એસોસિએશને પણ પ્રથમ બે મેચ માટે ટીમોની જાહેરાત કરી છે.
વિજય હજારે ટ્રોફીમાં વિરાટ કોહલી કઈ મેચ રમશે?
દિલ્હીની ટીમને 2025-2026 વિજય હજારે ટ્રોફી માટે ગ્રુપ D માં રાખવામાં આવી છે. આ ગ્રુપમાં દિલ્હી, આંધ્રપ્રદેશ, ગુજરાત, હરિયાણા, ઓડિશા, રેલવે, સૌરાષ્ટ્ર અને સર્વિસીસનો સમાવેશ થાય છે. DDCA એ પહેલી બે મેચ માટે ટીમની જાહેરાત કરી છે. ઋષભ પંત કેપ્ટન છે, અને આયુષ બદોનીને ઉપ-કેપ્ટન તરીકે પસંદ કરવામાં આવ્યા છે. વિરાટ કોહલીને પણ ટીમમાં સામેલ કરવામાં આવ્યો છે, અને DDCA એ જણાવ્યું હતું કે તેણે તેની ઉપલબ્ધતાની પુષ્ટિ કરી છે. અહેવાલો અનુસાર, વિરાટ પહેલી બે મેચમાં રમશે. નોંધનીય છે કે ભારત વિરુદ્ધ ન્યુઝીલેન્ડ ODI શ્રેણી પણ 11 જાન્યુઆરીથી શરૂ થશે.
દિલ્હીનો શેડ્યૂલ
24 ડિસેમ્બર- 2025-વિરુદ્ધ આંધ્રપ્રદેશ (બેંગલુરુમાં)
26ડિસેમ્બર- 2025- વિરુદ્ધ ગુજરાત (બેંગલુરુમાં)
29 ડિસેમ્બર- 2025-વિરુદ્ધ સૌરાષ્ટ્ર (અલુરમાં)
31 ડિસેમ્બર- 2025-વિરુદ્ધ ઓડિશા (અલુરમાં)
3જાન્યુઆરી- 2025-વિરુદ્ધ સર્વિસિસ (બેંગલુરુમાં)
6 જાન્યુઆરી- 2026-વિરુદ્ધ રેલવે (અલુરમાં)
8 જાન્યુઆરી- 2026-વિરુદ્ધ હરિયાણા (બેંગલુરુમાં)
રોહિત શર્મા પણ પ્રથમ બે મેચ રમશે
2025-26 વિજય હજારે ટ્રોફીમાં મુંબઈને ગ્રુપ સીમાં સિક્કિમ, ઉત્તરાખંડ, છત્તીસગઢ, ગોવા, મહારાષ્ટ્ર, હિમાચલ પ્રદેશ અને પંજાબ સાથે રાખવામાં આવ્યું છે. અહેવાલો અનુસાર, રોહિત શર્મા પણ પ્રથમ બે મેચ રમશે. મુંબઈનું ગ્રુપ સ્ટેજ શેડ્યૂલ જુઓ.
24ડિસેમ્બર- 2025-સિક્કિમ વિરુદ્ધ (જયપુરમાં)
26 ડિસેમ્બર- 2025-ઉત્તરાખંડ વિરુદ્ધ (જયપુરમાં)
29 ડિસેમ્બર- 2025-છત્તીસગઢ વિરુદ્ધ (જયપુરમાં)
31 ડિસેમ્બર- 2025-ગોવા વિરુદ્ધ (જયપુરમાં)
3જાન્યુઆરી- 2026-મહારાષ્ટ્ર વિરુદ્ધ (જયપુરમાં)
6 જાન્યુઆરી- 2026-હિમાચલ પ્રદેશ વિરુદ્ધ (જયપુરમાં)
8 જાન્યુઆરી- 2026-પંજાબ વિરુદ્ધ (જયપુરમાં)
વિરાટ કોહલી અને રોહિતનો વિજય હજારે ટ્રોફીમાં રેકોર્ડ
વિરાટ કોહલીએ વિજય હજારે ટ્રોફીમાં 13 મેચમાં 68.25ની સરેરાશથી 819 રન બનાવ્યા છે.કોહલીનો સ્ટ્રાઇક રેટ 106.08 છે અને તેના નામે 4 સદી છે. રોહિતે 18 મેચમાં 38.7ની સરેરાશથી 581રન બનાવ્યા છે. વિજય હજારે ટ્રોફીમાં રોહિત શર્માએ 1 સદી અને 3 અડધી સદી ફટકારી છે.
આ પણ વાંચો -IPL 2026 પહેલા LSGના આ ખેલાડીઓ વિદેશી લીગમાં જોવા મળશે
