ઈન્ડિયન પ્રીમિયર લીગ 2026માં 19મી સીઝન માટે 16 ડિસેમ્બરે અબુ ધાબીમાં યોજાયેલા ઓક્શનમાં ચેન્નાઈ સુપર કિંગ્સે ભારતીય અનકેપ્ડ ખેલાડી પ્રશાંત વીરને તેમની ટીમનો ભાગ બનાવવા માટે 14 કરોડ 20 લાખ રૂપિયા ખર્ચ કર્યા છે. જ્યારે CSKએ પ્રશાંત પર આટલી મોટી રકમ ખર્ચી ત્યારે તેના વિશે ઘણી ચર્ચા થઈ રહી છે.
24 ડિસેમ્બરે લિસ્ટ-A ક્રિકેટમાં ડેબ્યૂ કરનાર પ્રશાંતનું બોલિંગ પ્રદર્શન જોવા મળ્યું, જેના આધારે તેની ટીમ ઉત્તર પ્રદેશે હૈદરાબાદ સામેની મેચમાં 84 રનથી શાનદાર વિજય મેળવ્યો.
પ્રશાંત વીરે 47 રન આપી લીધી 3 વિકેટ
સ્થાનિક ક્રિકેટમાં ઉત્તર પ્રદેશ તરફથી રમતા પ્રશાંત વીર માત્ર 20 વર્ષનો છે અને તે લેફ્ટ હેન્ડની સ્પિન બોલિંગ અને લોઅર ઓર્ડરમાં બેટિંગ માટે જાણીતો છે. તેનું કરિયર લાંબું નથી, પરંતુ તેઓ યુપી T20 લીગમાં બેટ અને બોલ બંને સાથે તેમના પ્રદર્શનથી ચર્ચામાં આવી ચૂક્યો છે.
24 ડિસેમ્બરે વિજય હજારે ટ્રોફીમાં હૈદરાબાદ સામે જ્યારે તેને લિસ્ટ Aમાં ડેબ્યૂ કર્યું ત્યારે તેમને બેટિંગ કરવાની વધુ તક મળી ન હતી, તે 4 બોલમાં 7 રન બનાવીને અણનમ રહ્યો. આ દરમિયાન તે બોલિંગમાં ખૂબ સફળ રહ્યો, તેને 10 ઓવરમાં 47 રન આપ્યા અને 3 વિકેટ લીધી. તેને હૈદરાબાદના 2 ખેલાડીઓને બોલ્ડ કર્યા અને એકને સ્ટમ્પ આઉટ કર્યો.
6 ચોગ્ગા અને 2 છગ્ગા પણ ફટકાર્યા
રિંકુ સિંહને પણ T20 વર્લ્ડ કપ 2026 માટે જાહેર કરાયેલી ભારતીય ટીમમાં સ્થાન મળ્યું છે, જેમાં બધાની નજર તેના ફોર્મ પર છે. રિંકુ સિંહ વિજય હજારે ટ્રોફી 2025-26માં ઉત્તર પ્રદેશ ટીમનું નેતૃત્વ કરી રહ્યો છે, જેમાં તેને હૈદરાબાદ સામેની મેચમાં 48 બોલમાં શાનદાર 67 રન બનાવ્યા હતા, જેમાં તેને 6 ચોગ્ગા અને 2 છગ્ગા પણ ફટકાર્યા હતા. ઉત્તર પ્રદેશની ટીમ હવે તેનો આગામી મુકાબલો 26 ડિસેમ્બરે રાજકોટના સ્ટેડિયમમાં ગ્રુપ Aમાં ચંદીગઢ ટીમ સામે રમશે.
આ પણ વાંચો: ICCના ટેસ્ટ રેન્કિંગમાં થયો ફેરફાર, આ ખેલાડીએ લગાવી લાંબી છલાંગ
