ભારતની બેંકો પાસેથી પૈસા લઈને વિદેશ ભાગી ગયેલ ભાગેડુ વિજય માલ્યાએ હાલમાં જ રોયલ ચેલેન્જર્સ બેંગલુરુની જીત પર ટીમને અભિનંદન આપ્યું છે. વિજય માલ્યાએ સોશિયલ મિડીયા પર એક લાંબી પોસ્ટ શેર કરીને પોતાની ક્રેડિટ લેતો હોય તે રીતે ટીમને અભિનંદન પાઠવ્યા છે. સોશિયલ મિડીયા પર વિજય માલ્યાએ લખ્યું કે ‘અંતે 18 વર્ષ પછી RCB આઈપીએલ ચેમ્પિયન બની જ ગઈ. આ વખતે આખી રમત દરમિયાન ટીમનું જોરદાર પરફોર્મન્સ રહ્યું. તેમણે ખૂબ બોલ્ડ અંદાજમાં આ ફાઈનલ રમી..અભિનંદન’.
આ પછી વિજય માલ્યાને સોશિયલ મિડીયામાં ખૂબ ટ્રોલ કરવામાં આવી રહ્યા છે. લોકોએ તેમને ભારતના પૈસા પાછા આપવાની વાત કરી છે. અડધી રાત્રે વિજય માલ્યાને સોશિયલ મિડીયા પર ટ્રોલ કરવામાં આવ્યા છે. RCBની જીત પછી આખી ટીમ પર નોટોનો વરસાદ થયો હતો.
શું RCBની જીતથી વિજય માલ્યાને પૈસા મળશે?
RCB ના માલિક તરીકેનો હક હવે યુનાઈટેડ સ્પીર્ટ્સ કંપની પાસે છે. હવે માલ્યા યૂનાઈટેડ સ્પિરિટ્સ સાથે જોડાયેલા નથી. એવામાં RCBની ફ્રેન્ચાઈઝી સાથે પણ માલ્યાને કોઈ સબંધ નથી. તો RCBને જીત પછી જેટલા પૈસા અને ઈનામો મળ્યા છે તેના પર વિજય માલ્યાનો કોઈ હક નથી. તેમને ટીમમાંથી કોઈ પૈસા આપવામાં આવસે નહી. વિજય માલ્યા હાલ યૂનાઈટેડ બ્રૂવરીઝ ગૃપના ચેરમેન પદ પર છે.
