શું વિરાટ કોહલી ઈંગ્લેન્ડ સીરીઝની3 ટેસ્ટ-મેચ નહી રમે?ટીમ ઈન્ડિયામાં થશે ફેરફાર

• વિરાટ કોહલીએ પસંદગી સમિતિને જાણ કરી
  
•  ઈંગ્લેન્ડ સામેની પાંચ મેચની શ્રેણીની બાકીની ત્રણ ટેસ્ટમાંથી ખસી રહ્યો છે
  
•  કોહલીએ શુક્રવારે આ અંગે બીસીસીઆઈને જાણ કરી હતી
  

ભારત-ઈંગ્લેન્ડ શ્રેણીને લઈને એક મોટું અપડેટ સામે આવ્યું છે. ટીમ ઈન્ડિયાનો સૌથી પાવરફુલ ખેલાડી વિરાટ કોહલી સીરીઝમાંથી ખસી ગયો છે. બાકીની ત્રણ મેચ માટે ટીમ ઈન્ડિયામાં મોટા ફેરફારો થઈ શકે છે. મીડિયા રિપોર્ટ્સમાં આ વાત સામે આવી છે. વિરાટ કોહલીએ ભારતીય ક્રિકેટ કંટ્રોલ બોર્ડ (BCCI) અને વરિષ્ઠ રાષ્ટ્રીય પસંદગી સમિતિને જાણ કરી છે કે તે ઈંગ્લેન્ડ સામેની પાંચ મેચની શ્રેણીની બાકીની ત્રણ ટેસ્ટમાંથી ખસી રહ્યો છે.

 BCCI સેક્રેટરી જય શાહે પણ વિરાટના નિર્ણય પર પ્રતિક્રિયા આપી હતી

રિપોર્ટમાં દાવો કરવામાં આવ્યો છે કે કોહલીએ શુક્રવારે આ અંગે બીસીસીઆઈને જાણ કરી હતી. તે જ દિવસે, પસંદગીકારોએ રાજકોટ, રાંચી અને ધર્મશાળામાં ટેસ્ટ માટે ટીમ નક્કી કરવા માટે ઓનલાઈન બેઠક યોજી હતી. ઈંગ્લેન્ડ સામેની શ્રેણીની શરૂઆતમાં કોહલીએ ભારતીય કેપ્ટન રોહિત શર્મા, ટીમ મેનેજમેન્ટ અને પસંદગીકારો સાથે વાત કરી હતી. ત્યારે તેણે કહ્યું હતું કે દેશનું પ્રતિનિધિત્વ કરવું હંમેશા તેની સર્વોચ્ચ પ્રાથમિકતા રહી છે, પરંતુ અંગત પરિસ્થિતિને કારણે તે આ શ્રેણી રમી શકશે નહીં.

જય શાહે કહ્યું હતું કે BCCI તેમના નિર્ણયનું સન્માન કરે છે

આ પછી BCCI સેક્રેટરી જય શાહે પણ વિરાટના નિર્ણય પર પ્રતિક્રિયા આપી હતી. જય શાહે કહ્યું હતું કે BCCI તેમના નિર્ણયનું સન્માન કરે છે અને બોર્ડ અને ટીમ મેનેજમેન્ટે તેમને સમર્થન આપ્યું છે.

કોહલી પ્રથમ વખત ઘરેલું સિરીઝમાંથી બહાર

કિંગ કોહલીની કારકિર્દીમાં આ પ્રથમ વખત હશે જ્યારે તે કોઈપણ ઘરેલું શ્રેણીનો ભાગ નહીં હોય. વિઝાગ (વિશાખાપટ્ટનમ) ટેસ્ટમાં ભારતીય ટીમે વિરાટની ગેરહાજરીમાં જોરદાર વાપસી કરી હતી. આ સાથે ટીમ ઈન્ડિયાએ શ્રેણી 1-1થી બરાબર કરી લીધી હતી.

‘સર જાડેજા’ અને રાહુલ પરત ફરશે

આ રિપોર્ટમાં એવો પણ દાવો કરવામાં આવ્યો છે કે વિઝાગમાં બીજી ટેસ્ટ મેચ ન રમી શકનાર કેએલ રાહુલ અને રવીન્દ્ર જાડેજા બંનેને હવે ફિટ જાહેર કરવામાં આવ્યા છે. આ બંનેની ભારતીય ટીમમાં વાપસીનો રસ્તો સાફ થઈ ગયો છે. હૈદરાબાદ ટેસ્ટના ચોથા દિવસની રમત દરમિયાન જાડેજાને હેમસ્ટ્રિંગમાં ઈજા થઈ હતી, જ્યારે રાહુલે જમણા ક્વાડ્રિસેપ્સમાં દુખાવાની ફરિયાદ કરી હતી. આ બંનેની ટીમ ઈન્ડિયામાં વાપસી થવાની પૂરી સંભાવના છે, જેના કારણે ટીમ એકદમ સંતુલિત થઈ જશે.