જૂની પેન્શન યોજના માટે હડતાળ કરવા સરકારી કચેરીઓમાં થયું મતદાન

• 400 ડિફેન્સ યુનિટ્સ, 7349 રેલવે સ્ટેશનો, મંડળો, ઝોનલ કચેરીઓ ખાતે મતદાન
• દેશમાં અનિશ્ચિતકાળની હડતાળ પાડવા માટે કર્મચારીઓ વચ્ચે મતદાન કારવાયું 
• જો OPS માટે હડતાળના સમર્થનમાં બહુમતી આવશે તો ટૂંક સમયમાં હડતાળ થશે 

દેશભરમાં જૂની પેન્શન યોજના ફરી શરૂ કરવા માટે સરકારી કર્મચારીઓનું અભિયાન ચાલી રહ્યું છે. કેન્દ્ર અને રાજ્ય સરકારોના કર્મચારી સંગઠનો જૂના પેન્શન પર નિર્ણાયક લડાઈ તરફ આગળ વધી રહ્યા છે. ‘જૂના પેન્શન’ની માંગ પર રાષ્ટ્રવ્યાપી અનિશ્ચિત કાળની હડતાળ કરવાને લઈને નિર્ણય લેવા માટે સોમવારે 15 લાખ કર્મચારીઓ ધરાવતા કેન્દ્ર સરકારના બે મોટા વિભાગો, રેલ્વે અને સંરક્ષણ (સિવિલ)માં મતદાન યોજાયું હતું. જો કર્મચારીઓની બે તૃતીયાંશ બહુમતી અનિશ્ચિત હડતાળની તરફેણમાં જશે, તો ટૂંક સમયમાં દેશમાં રેલ્વે બંધ થઈ જશે અને શસ્ત્ર ફેક્ટરીઓ જે હવે કોર્પોરેશનોમાં પરિવર્તિત થઈ ગયા છે તેમ પણ કામ ઠપ્પ થઈ જશે. આ સિવાય કેન્દ્ર અને રાજ્ય સરકારના અન્ય ઘણા વિભાગોમાં પણ હડતાળ પાડવામાં આવશે. 20 અને 21 નવેમ્બરના રોજ, 400 સંરક્ષણ એકમો, 7349 રેલ્વે સ્ટેશન, વિભાગીય અને ઝોનલ કચેરીઓ, 42 રેલ્વે વર્કશોપ અને સાત રેલ્વે ઉત્પાદન એકમો પર સ્ટ્રાઈક બેલેટ હેઠળ મતદાન કરવામાં આવી રહ્યું છે.

મંગળવારે પણ ચાલુ રહેશે સ્ટ્રાઈક બેલેટ

OPS માટે રચાયેલી નેશનલ જોઈન્ટ કાઉન્સિલ ઑફ એક્શન (NJCA)ની સ્ટિયરિંગ કમિટીના વરિષ્ઠ સભ્ય અને AIDEFના જનરલ સેક્રેટરી સી. શ્રીકુમારઉન કહેવું છે કે અચોક્કસ મુદ્દતની હડતાલ માટે રેલવે અને સંરક્ષણ કર્મચારીઓના અભિપ્રાય જાણવા માટે 20 અને 21 નવેમ્બરે સ્ટ્રાઈક બેલેટ અભિયાન શરૂ કરવામાં આવ્યું છે. રેલ્વેના 11 લાખ કર્મચારીઓ અને સંરક્ષણ ક્ષેત્ર ‘સિવિલ’ના 4 લાખ કર્મચારીઓ મતદાનમાં ભાગ લઈ રહ્યા છે. જો બે તૃતીયાંશ બહુમતી હડતાળની તરફેણમાં રહેશે તો દેશમાં અનિશ્ચિત મુદતની હડતાળ પાડવામાં આવશે. જો હડતાળ થશે તો કેન્દ્ર સરકારના તમામ સિવિલ વિભાગો ઉપરાંત રાજ્યોના કર્મચારી સંગઠનો પણ તેમાં ભાગ લેશે. સોમવારે મતદાનના કારણે કર્મચારીઓની લાંબી કતારો જોવા મળી હતી. રેલવે સ્ટેશનો અને સંરક્ષણ સંસ્થાઓના કર્મચારીઓએ મોટી સંખ્યામાં મતદાનમાં ભાગ લીધો હતો. મંગળવારે પણ સ્ટ્રાઈક મતદાન ચાલુ રહેશે.