- માવઠાને લઇ હવામાન વિભાગે કરી આગાહી
- 14-15 મેના રોજ વરસાદનું જોર વધવાની શક્યતા
- ઉત્તર ગુજરાતમાં સાયક્લોનિક સર્ક્યુલેશન સિસ્ટમ બની
ઉત્તર ગુજરાતમાં ગરમી બે ડિગ્રી ઘટી હતી. પરંતુ હવામાં ભેજનું પ્રમાણ વધતાં અસહ્ય ઉકળાટ રહ્યો હતો. મહેસાણામાં 39.5 ડિગ્રી ગરમી નોંધાઇ હતી. આગામી 48 કલાક સુધી અસહ્ય ઉકળાટ સહન કર્યા બાદ 13 મેથી વરસાદી માહોલ બનતાં રાહત મળી શકે તેવી હવામાન વિભાગે આગાહી કરી છે.
માવઠાને લઇ હવામાન વિભાગે કરી આગાહી
ઉત્તર ગુજરાતની ત્રણ બાજુ એક સાથે ત્રણ સાયક્લોનિક સર્ક્યુલેશન સિસ્ટમ બની છે. જેને શુક્રવારે મોટાભાગે નૈઋત્યના પવન ફૂંકાયા હતા. એક બાજુ દિવસનું તાપમાન બે ડિગ્રી સુધી ઘટતાં ગરમી 39 થી 40.5 ડિગ્રી વચ્ચે રહી, તો બીજી બાજુ ભેજવાળા ગરમ પવને અસહ્ય ઉકળાટ સર્જ્યો હતો. દિવસભર પરસેવે રેબઝેબ કરતાં ઉકળાટનો સામનો કરવો પડ્યો હતો.મોડી સાંજે પણ વાતાવરણ ઉકળાટભર્યું રહ્યું હતું.
14 અને 15 મેના રોજ વરસાદનું જોર વધુ રહી શકે
હવામાન વિભાગની આગાહી મુજબ, આગામી 48 કલાક ઉકળાટની આ સ્થિતિ યથાવત રહેશે.13 થી 16 મે સુધી વાતાવરણમાં બદલાવ જોવા મળશે. આ દરમિયાન ભારે પવન અને ગાજવીજ સાથે છુટાછવાયા વિસ્તારોમાં હળવો વરસાદ પડી શકે છે. 14 અને 15 મેના રોજ વરસાદનું જોર વધુ રહી શકે છે. વરસાદી માહોલથી ગરમી 2 થી 3 ડિગ્રી ઘટાડવાની શક્યતા છે.
ઉત્તર ગુજરાતની ત્રણ બાજુ એક સાથે ત્રણ સાયક્લોનિક સર્ક્યુલેશન સિસ્ટમ બની છે. આ કારણે શુક્રવારે મોટાભાગે ઉત્તર ગુજરાતમાં નૈઋત્યનો પવન ફૂંકાયો હતો. જેને લઇ ભેજનું પ્રમાણ વધતા એક બાજુ દિવસનું તાપમાન બે ડિગ્રી સુધી ઘટતાં ગરમીનો પારો 39 થી 40.5 ડિગ્રીની વચ્ચે રહ્યો હતો. તો બીજી બાજુ ભેજવાળો ગરમ પવન સાથે અસહ્ય ઉકળાટ સર્જ્યો હતો. દિવસભર ઉકળાટનો સામનો કરવો પડ્યો હતો. મોડી સાંજે પણ વાતાવરણ ઉકળાટ ભર્યું હતું. પાટણમાં 39.7 ડિગ્રી ગરમી નોંધાઇ છે.
