- વરસાદ અને હિમવર્ષાથી હાલ કોઈ રાહત નહીં મળે
- સિક્કિમ અને અરુણાચલ પ્રદેશમાં હળવો વરસાદ અને હિમવર્ષા થવાની સંભાવના
- પંજાબ, હરિયાણા અને દિલ્હીમાં ધુમ્મસની અસર જોવા મળશે
દેશના ઘણા ભાગોમાં પહાડો પર હિમવર્ષા સાથે વરસાદ થઈ રહ્યો છે. રાષ્ટ્રીય રાજધાનીમાં રવિવારે વરસાદ પછી, હવામાન સ્વચ્છ દેખાયું હતું પરંતુ ઠંડા પવનોને કારણે ઠંડીનો અનુભવ થયો હતો. દિલ્હીમાં વરસાદના કારણે ધુમ્મસથી રાહત મળી હતી. હવામાન વિભાગના જણાવ્યા અનુસાર, દિલ્હી સિવાય ઘણા રાજ્યોમાં વરસાદ અને ધુમ્મસની ચેતવણી જારી કરવામાં આવી છે.
સોમવાર બાદ દિલ્હીમાં આકાશ સાફ થઈ જશે
હવામાન વિભાગના જણાવ્યા અનુસાર સોમવાર બાદ દિલ્હીમાં આકાશ સાફ થઈ જશે. ત્યારે લઘુત્તમ તાપમાન ફરી એકવાર ઘટીને ચાર ડિગ્રી સેલ્સિયસ સુધી પહોંચી શકે છે. જેના કારણે મંગળવારથી સવારે ફરી ઠંડી વધી શકે છે અને બુધવારે લઘુત્તમ તાપમાન સાત ડિગ્રી સેલ્સિયસ સુધી પહોંચી શકે છે. જો આપણે પહાડો વિશે વાત કરીએ, તો હિમાચલ પ્રદેશના કેટલાક ભાગોમાં શીત લહેર છવાઇ હતી.
કેવું રહેશે દિલ્હીનું હવામાન?
દિલ્હીના હવામાન અંગે હવામાન વિભાગનું કહેવું છે કે સોમવાર પછી આકાશ સાફ થઈ જશે. ત્યારે લઘુત્તમ તાપમાન ફરી એકવાર ઘટીને ચાર ડિગ્રી સેલ્સિયસ સુધી પહોંચી શકે છે. હવામાન વિભાગના જણાવ્યા અનુસાર આગામી બે દિવસમાં વધુ ધુમ્મસ રહેશે. આ સમયગાળા દરમિયાન, સોમવારે ગાઢ ધુમ્મસ સાથે આંશિક વાદળછાયું આકાશ રહેશે. આ કારણોસર હવામાન વિભાગે સોમવાર માટે યલો એલર્ટ જાહેર કર્યું છે.
વેસ્ટર્ન ડિસ્ટર્બન્સની અસર હેઠળ ભારે બરફવર્ષાથી જનજીવન ઠપ
હિમાચલપ્રદેશમાં વેસ્ટર્ન ડિસ્ટર્બન્સની અસર હેઠળ ભારે બરફવર્ષાથી જનજીવન ઠપ થઇ ગયું છે. રાજ્યના 518 રસ્તા અને ચાર નેશનલ હાઇવે બંધ છે. વીજળી અને પીવાના પાણીના પુરવઠાને પણ અસર થઇ છે. 478 વીજ ટ્રાન્સફોર્મર ઠપ છે જ્યારે પીવાના પાણીના 57 પ્રોજેક્ટને અસર થઇ છે. લગભગ સમગ્ર રાજ્યમાં લઘુતમ તાપમાનમાં ઘટાડો નોંધાયો છે. શનિવારથી રાજ્યના મોટાભાગના ક્ષેત્રોમાં વરસાદ અને બરફવર્ષા જારી છે. રવિવારે સવારે રાજ્યમાં ગાઢ ધુમ્મસ છવાયું હતું. કાશ્મીર ખીણમાં પણ શ્રીનગર અને ગાંદરબલ સહિત ઘણા ભાગોમાં ભારે બરફવર્ષા સાથે લઘુતમ તાપમાનમાં ઘટાડો નોંધાયો છે. રવિવારે શ્રીનગર એરપોર્ટથી તમામ ફ્લાઇટ્સ રદ કરાઇ હતી. ઉત્તર કાશ્મીરના જાણીતા સ્કી રિસોર્ટ ગુલમર્ગમાં લઘુતમ તાપમાન -7 ડિગ્રી સે. અને પહલગામમાં -3.5 ડિગ્રી સે. નોંધાયું હતું.
