- માથું દુઃખવું, ચક્કર આવવા અને તાવ જેવા લક્ષણો જોવા મળશે
- WEE વાયરસ ઘોડા અને માણસોને પ્રભાવિત કરે છે
- સંક્રમિત પક્ષીઓથી માણસોને નુકસાન કરે છે
કોરોનાની સાથે હવે વધુ એક વાયરસનો કહેર જોવા મળી રહ્યો છે, જેણે WHOની ચિંતા વધારી દીધી છે. આ એક દુર્લભ વાયરસ છે, જે એકદમ ખતરનાક કહેવાય છે. વાસ્તવમાં, આર્જેન્ટિનાના ઇન્ટરનેશનલ હેલ્થ રેગ્યુલેશન્સ નેશનલ ફોકલ પોઇન્ટ (IHR NFP) એ WHO ને વેસ્ટર્ન ઇક્વિન એન્સેફાલીટીસ (WEE) ચેપના માનવ કેસ વિશે જાણ કરી છે. બે દાયકા પછી નોંધાયેલો આ પ્રથમ માનવીય કેસ છે. WEE ના માનવીય કેસ છેલ્લે આર્જેન્ટિનામાં 1982, 1983 અને 1996 માં નોંધાયા હતા.તો જાણો શું છે આ દુર્લભ વાયરસ અને કેટલો ખતરનાક છે.
વી વાયરસ શું છે
WEE એ દુર્લભ મચ્છરજન્ય વાયરસ છે. જે ઘોડા અને માણસોને વધુ અસર કરે છે. આ વાયરસ સંક્રમિત પક્ષીઓથી મનુષ્ય સુધી પહોંચે છે. આ વાયરસ પ્રવાસી પક્ષીઓમાંથી માણસોમાં આવે છે. પક્ષીઓ એક ગ્રૂપ તરીકે કામ કરતા હોવાથી, આ વાયરસ અન્ય દેશોમાં ફેલાઈ શકે છે.
WEE વાયરસના લક્ષણો
WHO રિપોર્ટમાં જણાવવામાં આવ્યું છે કે 19 નવેમ્બર, 2023 ના રોજ, WEE થી સંક્રમિત દર્દીમાં માથાનો દુઃખાવો, ચક્કર અને તાવ જેવા લક્ષણો જોવા મળ્યા હતા. આ પછી, દર્દીને 24 નવેમ્બર 2023 ના રોજ હોસ્પિટલમાં દાખલ કરવામાં આવ્યો હતો. દર્દીને લગભગ 12 દિવસથી વેન્ટિલેશન પર રાખવામાં આવ્યો છે. આ પછી દર્દીને 20 ડિસેમ્બરે હોસ્પિટલમાંથી રજા આપવામાં આવી હતી. આ પછી પણ તેને દેખરેખ હેઠળ રાખવામાં આવ્યો હતો.
WEE વાયરસથી બચવાના ઉપાય
1. હાથ-પગને સારી રીતે ઢાંકીને રાખો.
2. ઘરમાં કોઈ બીમાર હોય તો તેને સારી રીતે ઓઢા઼ીને રાખો.
3.DEET, IR3535 કે Icaridin પ્રોડક્ટનો ઉપયોગ ન કરો.
4. દરવાજા અને બારીઓને સારી રીતે બંધ કરીને રાખો.
5. મચ્છરદાની વિના સૂવું નહીં.
6. દિવસે સૂતી સમયે મચ્છરોથી બચવા માટે ઘરમાં કીટનાશકનો છંટકાવ કરો.
7. ગર્ભવતી મહિલાઓ શિશિ અને વૃદ્ધોનું ધ્યાન રાખો.
