શું છે યશસ્વી જયસ્વાલનો ડાયટ પ્લાન, પિતાએ જણાવ્યું ફિટનેસનું રહસ્ય

• યશસ્વી સ્વીપ શોટ ખૂબ જ સુંદર રીતે રમે છેઃપિતા
  
• સ્વીપ શોટ માટે ઘણી મહેનત કરે છે જયસ્વાલ
  
• દાળ-ભાત, રોટલી અને શાક છે યશસ્વીની પસંદ
  

ટીમ ઈન્ડિયાનો ઉભરતો સ્ટાર યશસ્વી જયસ્વાલ પોતાની જોરદાર બેટિંગથી શાનદાર પ્રદર્શન કરી રહ્યો છે. યશસ્વીએ ઈંગ્લેન્ડ સામે ચાલી રહેલી પાંચ મેચની ટેસ્ટ શ્રેણીમાં બે બેવડી સદી ફટકારી છે. આ શાનદાર બેટિંગના કારણે યશસ્વીએ હવે ટીમ ઈન્ડિયામાં પોતાનું સ્થાન નિશ્ચિત કરી લીધું છે. ટેસ્ટ ઉપરાંત યશસ્વી વનડે અને ટી-20માં પણ ધમાકેદાર દેખાવ કરવા માટે તૈયાર છે. માત્ર બેટિંગ જ નહીં, યશસ્વી ટીમ ઈન્ડિયાના સૌથી ફિટ ખેલાડીઓમાંથી એક છે. આવી સ્થિતિમાં તેના પિતા ભૂપેન્દ્ર જયસ્વાલે એક ઈન્ટરવ્યુમાં તેની ફિટનેસનું રહસ્ય જણાવ્યું અને યશસ્વીના ડાયટ અને તેના ફેવરિટ ફૂડ વિશે જણાવ્યું.

ખાનપાનને લઈને અનુશાસિત

યશસ્વી જયસ્વાલના પિતાએ કહ્યું, ‘તેને નોનવેજનો ખૂબ શોખ છે અને તેને દાળ-ભાત, રોટલી અને શાકભાજી ગમે છે. આ સિવાય તે પોતાની ખાવાની આદતોને લઈને ખૂબ જ શિસ્તબદ્ધ છે. તેઓએ વધુમાં એમ પણ કહ્યું કે ‘આખો દેશ યશસ્વીની બેટિંગને પસંદ કરે છે, પરંતુ જ્યારે તેના પિતાને પૂછવામાં આવ્યું કે તેમને યશસ્વીની બેટિંગ વિશે શું ગમે છે, તેમણે કહ્યું, ‘તે સ્વીપ શોટ ખૂબ જ સુંદર રીતે રમે છે અને તેના પર ખૂબ મહેનત કરે છે.’

યશસ્વી રાંચી ટેસ્ટમાં સદી ચૂકી ગયો હતો

વિશાખાપટ્ટનમ અને રાજકોટ ટેસ્ટ મેચમાં સદીની ઇનિંગ્સ રમ્યા બાદ યશસ્વીએ રાંચીમાં પણ જોરદાર શરૂઆત કરી હતી. રોહિત સાથે ઓપનિંગ કરવા આવેલા યશસ્વીએ ટીમ ઈન્ડિયાની ઈનિંગ્સને કાબૂમાં રાખી હતી. શાનદાર ફોર્મમાં રહેલા યશસ્વીને જોઈને લાગતું હતું કે તે પોતાની સદી પૂરી કરશે, પરંતુ તે શોએબ બશીરના બોલે તે જલ્દી બોલ્ડ થયો હતો. યશસ્વીએ 117 બોલમાં 73 રનની જોરદાર ઇનિંગ રમી હતી. આ ઇનિંગમાં તેણે 8 ફોર અને 1 સિક્સ પણ ફટકારી હતી.

યશસ્વી સિવાય શુભમન ગિલે પણ ટીમ ઈન્ડિયા માટે 38 રનની જોરદાર ઈનિંગ રમી હતી. આ સિવાય વિકેટકીપર બેટ્સમેન ધ્રુવ જુરેલે પણ ઈંગ્લેન્ડના બોલરો સામે કેટલાક જોરદાર શોટ ફટકાર્યા હતા.