દુનિયાનો સૌથી મોટો ફિલ્મ ફેસ્ટિવલ, એટલે કે ‘કાન્સ ફિલ્મ ફેસ્ટિવલ’ આજે 13 મેના રોજ શરૂ થયો છે. સેલિબ્રિટીઓ આ ફેસ્ટિવલની આતુરતાથી રાહ જુએ છે. દુનિયાભરના સ્ટાર્સ ‘ફેસ્ટિવલ ડી કાન્સ’માં પોતાની પ્રતિભા દર્શાવવા માટે આવે છે.
ભારતીય સેલિબ્રિટીઓ પણ આ કાર્યક્રમનો ભાગ બને છે. જોકે, આ વખતે, એટલે કે 78મા ફિલ્મ ફેસ્ટિવલમાં કેટલીક બાબતો પર પ્રતિબંધ મૂકવામાં આવ્યો છે, જે સ્ટાર્સે ફોલો કરવો પડશે? ચાલો જાણીએ કે આ વર્ષના ‘ફેસ્ટિવલ ડી કાન્સ’માં કઈ વસ્તુઓ પર પ્રતિબંધ મૂકવામાં આવ્યો છે?
કાન્સ ફેસ્ટિવલમાં શેના પર પ્રતિબંધ મૂકવામાં આવ્યો?
78મા ફિલ્મ ફેસ્ટિવલમાં આ વર્ષે ‘ફેસ્ટિવલ ડી કાન્સ’ના રેડ કાર્પેટ પર ન્યુડિટી અને મોટા કદના કપડાં પહેરવા પર પ્રતિબંધ મૂકવામાં આવ્યો છે. હવે કોઈ પણ કાન્સ ફિલ્મ ફેસ્ટિવલમાં મોટા કપડાં પહેરી શકશે નહીં કે ન્યુડિટી ફેલાવી શકશે નહીં. તમને જણાવી દઈએ કે 78મા કાન્સ ફિલ્મ ફેસ્ટિવલ મેનેજમેન્ટે આ નિયમો અંગે એક સત્તાવાર નિવેદનની જાહેરાત કરી હતી.
78મા કાન્સ ફિલ્મ ફેસ્ટિવલ માટે નવા નિયમો
આ નિવેદનમાં મેનેજમેન્ટે જણાવ્યું છે એ કે આ વર્ષે ‘ફેસ્ટિવલ ડી કાન્સ’ એ તેના ચાર્ટરમાં કેટલાક નવા નિયમોનો રજુ કર્યા છે. જોકે, તેનો ઉદ્દેશ્ય કોઈપણ ડ્રેસને નિયંત્રિત કરવાનો નથી પરંતુ ઇવેન્ટ અને ફ્રેન્ચ કાયદા અનુસાર ઇવેન્ટના રેડ કાર્પેટ પર ન્યુડિટી પર પ્રતિબંધ મૂકવાનો છે. કાન્સ ફિલ્મ ફેસ્ટિવલમાં એવા લોકો પર પણ પ્રતિબંધ રહેશે જેમના પહેરવેશ અને પોશાક અન્ય લોકો અને મહેમાનોને ફિલ્મ સ્ક્રીનિંગ રૂમમાં ફરવા અથવા બેસવામાં મુશ્કેલી ઉભી કરશે.
બોલીવુડ સેલેબ્સ પણ સામેલ છે
