- PM ઋષિ સુનક ઇસ્ટર સુધીમાં ભારત સાથે FTAને લઇ ઉત્સાહિત.
- નવા વર્ષની શરૂઆતમાં સુનક અને PM મોદી વચ્ચે થશે ચર્ચા
- ભારતમાં પ્રથમ રાઉન્ડનું મતદાન શરૂ થાય તે પહેલા કરાર પર મહોર લગાવશે
બ્રિટિશ વડા પ્રધાન ઋષિ સુનક આવતા વર્ષે માર્ચના અંતમાં આવતા મુખ્ય ખ્રિસ્તી તહેવાર ઇસ્ટરના સમય સુધીમાં ભારત સાથે મુક્ત વેપાર કરાર (FTA) પર હસ્તાક્ષર કરવા આતુર છે.
બ્રિટિશ વડાપ્રધાન ઋષિ સુનક ઇસ્ટર સુધીમાં ભારત સાથે FTA પૂર્ણ કરવા માંગે છે. બંને દેશો વચ્ચે ગત વર્ષે જાન્યુઆરીમાં વેપાર કરારની વાટાઘાટો શરૂ થઈ હતી અને તેનો ઉદ્દેશ્ય દ્વિપક્ષીય વેપાર ભાગીદારીને $36 બિલિયન સુધી વધારવાનો હતો. 15મી ડિસેમ્બરે મંત્રણાનો તેરમો રાઉન્ડ પૂરો થયા બાદ નવા વર્ષની શરૂઆતમાં મંત્રણાનો નવો રાઉન્ડ શરૂ થવાની ધારણા છે.
ભારતમાં પ્રથમ રાઉન્ડનું મતદાન શરૂ થાય તે પહેલા સમજૂતી થઈ જશે
સૂત્રોને ટાંકીને અખબારે જણાવ્યું હતું કે વડા પ્રધાન ઋષિ સુનક અને ભારતના વડ પ્રધાન નરેન્દ્ર મોદી એપ્રિલ સુધીમાં આ સોદો પૂર્ણ કરવા આતુર છે. રિપોર્ટમાં દાવો કરવામાં આવ્યો છે કે ભારતમાં પ્રથમ રાઉન્ડનું મતદાન શરૂ થાય તે પહેલા કરાર પર મહોર લગાવી શકાય છે. અખબારે વેપાર વાટાઘાટો સાથે સંકળાયેલા એક બ્રિટિશ અધિકારીને ટાંકીને કહ્યું છે કે આ મુદ્દે ઘણી પ્રગતિ થઈ છે, પરંતુ કેટલાક સૌથી વિવાદાસ્પદ મુદ્દાઓને અંતિમ સ્વરૂપ આપવાનું બાકી છે.
ઋષિ સુનક અને PM મોદી વચ્ચે મંત્રણાનો નવો રાઉન્ડ શરૂ
સૂત્રોના જણાવ્યા અનુસાર, ઋષિ સુનક અને મોદી બંને આતુર છે, તેથી અમે તેને કેટલી જલ્દી સીલ કરી શકીએ તે સમયની વાત છે. બ્રિટન અપેક્ષા રાખે છે કે FTA ભારત માટે સ્કોચ વ્હિસ્કી અને ઈલેક્ટ્રિક કારમાં વેપાર તેમજ સેવાઓ અને રોકાણની તકો ખોલશે. તે જ સમયે, ભારત તેના મેન્યુફેક્ચરિંગ સામાન અને સેવાઓ તેમજ વ્યાવસાયિક વિઝા અંગેના કરાર માટે વધુ સારી રીતે પહોંચની માંગ કરશે. એક ખાસ વાત એ છે કે ભારત અને બ્રિટન બંનેમાં 2024માં સામાન્ય ચૂંટણી છે.
