- ઇલેક્ટ્રિક વાહનો માટે ખાસ યોજના આપશે
- સરકાર ચૂંટણી પહેલાં સામાન્ય જનતા સુધી પહોંચશે
- કરદાતાઓ માટે સરળીકરણ કરવામાં આવી શકે છે
આજે કેન્દ્રીય નાણામંત્રી નિર્મલા સીતારમણ સવારે 11 વાગ્યે સંસદના સંયુક્ત સત્રમાં 2024-25નું વચગાળાનું બજેટ રજૂ કરશે. નિષ્ણાતોના મતે, સીતારમણનું ભાષણ મોટાભાગે ઈન્ફ્રાસ્ટ્રક્ચર પર ખર્ચ વધારવા, ખેડૂતોની આવક વધારવા અને રોજગાર વધારવાની સંભવિત વ્યૂહરચના પર ધ્યાન કેન્દ્રિત કરશે. જો કે, મધ્યમ વર્ગ વધતી જતી ફુગાવાને પહોંચી વળવા ટેક્સ સંબંધિત કેટલીક જાહેરાતોની અપેક્ષા રાખવામાં આવી રહી છે. નોંધનીય છેકે, આ વચગાળાના બજેટથી સરકાર લોકસભાની ચૂંટણી પહેલા પોતાની વિવિધ યોજનાઓ લોકો સુધી પહોંચાડવાની કોશિશ કરશે.
ટેક્સ સિસ્ટમને લઈ આશાઓ
કેન્દ્રીય નાણામંત્રી નિર્મલા સીતારમણ વચગાળાનું બજેટ 2024-25 રજૂ કરવા તૈયાર છે. જેમાં મુખ્યત્વ સામાન્ય જનતા માટે નવી કર પ્રણાલી ફરી ફોકસમાં છે. જૂની ટેક્સ સિસ્ટમના વિકલ્પ તરીકે કેન્દ્રીય બજેટ 2020-21માં રજૂ કરવામાં આવી હતી અને નવી ટેક્સ સિસ્ટમ 1 એપ્રિલ, 2023થી ડિફોલ્ટ વિકલ્પ બની ગઈ છે. હવે નિષ્ણાતોએ સંકેત આપ્યો છે કે નવી ટેક્સ સિસ્ટમ અપનાવવાની બીજી તક મળી શકે છે. નોંધનીય છે કે, ગયા વર્ષે સીતારમણે ઉચ્ચ આવક ધરાવતા લોકો માટે નવા કર પ્રણાલીમાં વધારાના શુલ્ક દૂર કર્યા હતા અને રૂ. 50,000ના પ્રમાણભૂત કપાતને મંજૂરી આપી હતી.
કરદાતાઓ માટે રાહત
વચગાળાના બજેટને લઈને તમામની નજર નાણામંત્રી સીતારમણ પર છે. ઘણી અપેક્ષાઓ ઊભી થઈ રહી છે. આમાંથી એક સૌથી વધુ કર દર માટે આવક મર્યાદા રૂ. 10 લાખથી વધારીને રૂ. 20 લાખ અને કર દર 30% થી ઘટાડીને 25% કરવાનો છે. મધ્યમ વર્ગના કરદાતાઓને આ ફેરફારોનો લાભ મળી શકે છે. હાલમાં મુક્તિ આપવામાં આવેલ માલસામાનને સમાવવા માટે GST નેટનું વિસ્તરણ અથવા પાલનને સરળ બનાવવા માટે GST સ્લેબનું સરળીકરણ થઈ શકે છે.
શું ઇલેક્ટ્રિક વાહન ઉત્પાદનને પ્રોત્સાહન મળશે?
દેશમાં ઈલેક્ટ્રિક વાહનોને પ્રોત્સાહન આપવા માટે બજેટ દ્વારા પ્રોત્સાહન આપવામાં આવી શકે છે. ઈલેક્ટ્રિક વાહનો માટે ત્રીજા તબક્કાને લઈને કોઈ કાર્યક્રમ હોઈ શકે છે. અંદાજિત રૂ. 10,000-12,000 કરોડની ફાળવણી ફાસ્ટર એડોપ્શન એન્ડ મેન્યુફેક્ચરિંગ ઓફ ઈલેક્ટ્રીક વ્હીકલ (FAME) યોજનાના આગામી તબક્કા માટે બજેટમાં કરવામાં આવી શકે છે.
