- જણસોની મબલખ આવક
- ખેડૂતોને મળ્યા સારા ભાવ
- ખેડૂતો થઈ ગયા ખુશખુશાલ
સૌરાષ્ટ્રની સૌથી પ્રમુખ એવી રાજકોટ APMCમાં આજે કપાસ, મગફળી, ઘઉં, શાકભાજી સહિતના પાકોની આવક થઈ હતી. 4,500 ક્વિન્ટલ જેટલી કપાસની આવક થતા રાજકોટ માર્કેટ યાર્ડ કપાસથી ઉભરાઈ ગયું હતું. ખેડૂતોને પાસનો ભાવ 1,220થી 1,540 રૂપિયા ભાવ મળ્યો હતો.
રાજકોટ માર્કેટ યાર્ડમાં ખેડૂતોને પોષણક્ષમ ભાવ મળતા તેમના ચહેરા પર ખુશીની લહેર જોવા મળી હતી. માર્કેટ યાર્ડમાં જણસીની આવક મોટા પ્રમાણમાં થઈ હતી. રાજકોટ માર્કેટ યાર્ડ નવી મગફળી અને કપાસથી ઉભરાઈ ગયું હતું. આ સાથે જ ઘઉંની આવક પણ મોટા પ્રમાણમાં થયું હતું. રાજકોટ માર્કેટ યાર્ડમાં આજે 6,500 ક્વિન્ટલથી વધુ મગફળીની આવક થઈ હતી. આ સાથે જ કપાસ અને ઘઉંની પણ મોટા પ્રમાણમાં આવક થઈ હતી. જેમાં પાસનો ભાવ 1,220થી 1,540 રૂપિયા ભાવ મળ્યો હતો. કિંમત પ્રમાણે જોતા જાડી મગફળીના ભાવ 1,025થી 1,428 રૂપિયા અને જીણી મગફળીના ભાવ 1,020થી 1,475 રૂપિયા પ્રતિ મણના બોલાયા હતા.
આની સાથે જ યાર્ડમાં બટાકાની 3,000 ક્વિન્ટલ, ડુંગળીની 1,110 ક્વિન્ટલ અને ટમેટાની 1,213 ક્વિન્ટલ આવક થઈ હતી. બટાકાના ભાવ 160થી 310 રૂપિયા, ડુંગળીના ભાવ 260થી 570 રૂપિયા અને ટામેટાના ભાવ 120થી 240 રૂપિયા બોલાયા હતા. કપાસ અને મગફળીની સાથે સાથે માર્કેટ યાર્ડમાં આજે ટુકડા ઘઉંની આવક પણ મોટા પ્રમાણમાં થઈ હતી. 2,300 ક્વિન્ટલ ટુકડા ઘઉંની આવક માર્કેટ યાર્ડમાં થઈ હતી જ્યારે ટુકડા ઘઉંના ભાવ 498થી 554 રૂપિયા બોલાયા હતા.
મહત્વનું છે કે કપાસ અને નવી મગફળીની આવકથી માર્કેટ યાર્ડ મબલખ ભરાઈ ગયું હતું. તેવામાં ખેડૂતોને તેમની જણસોના સારા ભાવ મળતાં તેમના ચહેરા પર હરખી લહેરખી દોડી ગઈ હતી.
