વિશ્વના શ્રેષ્ઠ સ્પિનરોમાંના એક શેન વોર્નને દુનિયાને અલવિદા કહ્યાના આજે ત્રણ વર્ષ પૂર્ણ થયા છે. વર્ષ 2022માં આજના દિવસે (4 માર્ચ) તેમનું થાઇલેન્ડમાં હૃદયરોગના હુમલાથી નિધન થયું. વોર્નના આકસ્મિક મૃત્યુથી માત્ર ક્રિકેટ જગત જ નહીં પરંતુ સમગ્ર વિશ્વ હચમચી ગયું. ક્રિકેટના મેદાન પર ઘણી બધી હેડલાઇન્સ બનાવનાર શેન વોર્ન પોતાના અંગત જીવનમાં ખૂબ જ રંગીન હતા. આ કારણે તેમનું 10 વર્ષ જૂનું લગ્નજીવન પણ તૂટી ગયું. એવો દાવો કરવામાં આવે છે કે તેના એક હજાર મહિલાઓ સાથે સંબંધો હતા.
સિમોન કેલાહાન સાથેના 10 વર્ષના લગ્નજીવન બાદ છૂટાછેડા
વોર્નનો જન્મ 13 સપ્ટેમ્બર 1969ના રોજ ઓસ્ટ્રેલિયામાં થયો હતો. તેમણે 1995માં સિમોન કેલાહાન સાથે લગ્ન કર્યા. તેઓ બંને ત્રણ બાળકોના માતા-પિતા બન્યા – બે પુત્રીઓ સમર અને બ્રુક અને એક પુત્ર, જેક્સન વોર્ન. પરંતુ 10 વર્ષ પછી, 2005 માં, વોર્ન અને સિમોનના છૂટાછેડા થઈ ગયા. 2005 માં એશિઝ શ્રેણી પહેલા સિમોનને ખબર પડી કે વોર્નનું કોઈ બીજા સાથે અફેર છે. તેમનું નામ લૌરા સેયર્સ અને કેરી કોલીમોર નામની મહિલાઓ સાથે જોડાયું હતું. આ પછી વોર્ન અને સિમોન અલગ થઈ ગયા.
વોર્ન 1000 મહિલાઓ સાથે સંબંધ કેળવ્યા
2011 માં, વોર્નનું નામ બ્રિટિશ અભિનેત્રી એલિઝાબેથ હર્લી સાથે જોડાયું હતું. 2011 માં, એલિઝાબેથે અરુણ નાયર સાથે છૂટાછેડા લીધા. આ પછી વોર્ન અને એલિઝાબેથે સગાઈ કરી. પરંતુ પછી સમાચાર આવ્યા કે વોર્નનો બ્રિટિશ પોર્ન સ્ટાર ક્લો કોરાડ સાથે પણ સંબંધ હતો. આ પછી, એલિઝાબેથ અને વોર્ન પણ અલગ થઈ ગયા. શેન વોર્નના રંગીન સ્વભાવે તેમના અંગત જીવનમાં ઘણા ઉતાર-ચઢાવ લાવ્યા. 2006 માં, પત્રકાર પોલ બેરીએ તેમના પુસ્તક ‘સ્પન આઉટ’ માં વોર્ન વિશે કરેલા દાવાથી ખળભળાટ મચી ગયો હતો. તેમણે લખ્યું હતું કે, ‘શેન વોર્નના 1000 મહિલાઓ સાથે સંબંધો હતા પરંતુ તે ફક્ત 5 વાર જ પકડાયો હતો.’ બેરીએ વોર્નની નજીકના એક વ્યક્તિના હવાલાથી આ દાવો કર્યો હતો.
શેન વોર્નની કરોડોની સંપત્તિ કોની પાસે હતી?
વોર્ન પોતાની પાછળ એક આખો પરિવાર અને કરોડોની સંપત્તિ છોડી ગયો છે. વોર્ને પોતાની લાંબી કારકિર્દી દરમિયાન ઘણી સંપત્તિ ભેગી કરી હતી. મીડિયા રિપોર્ટ્સ અનુસાર, તેઓ ૧૭૧ કરોડ રૂપિયાની સંપત્તિના માલિક હતા. તેમના મૃત્યુ પછી, વિક્ટોરિયાની સુપ્રીમ કોર્ટે તેમની કરોડો રૂપિયાની સંપત્તિ તેમના ત્રણ બાળકો જેક્સન, બ્રુક અને સમર વચ્ચે 31-31 ટકાના દરે વહેંચવાનો નિર્ણય કર્યો. બાકીની મિલકત વોર્નના ભાઈના પરિવારને વારસામાં મળી હતી.
શેન વોર્નની ક્રિકેટ કારકિર્દી
શેન વોર્ને 145 ટેસ્ટ મેચમાં કુલ 708 વિકેટ લીધી હતી. તે ટેસ્ટમાં સૌથી વધુ વિકેટ લેનાર બોલરોમાં બીજા ક્રમે છે. વનડેમાં, તેણે 194 મેચ રમી અને 293 વિકેટ લીધી. આ ઉપરાંત, આ દિગ્ગજ ખેલાડીએ IPL પણ રમી હતી. આ ઈન્ડિયન ટી-20 લીગમાં તેણે 55 મેચોમાં 57 વિકેટ લીધી.
