ટ્રમ્પના શપથ ગ્રહણ સમારોહ પહેલા આયોજિત રાત્રિભોજનમાં પણ એલોન મસ્ક સાથે એક મહિલા જોવા મળી હતી. જ્યારે તેનો ફોટો ઈન્ટરનેટ પર આવ્યો, ત્યારે લોકોએ તેની ચર્ચા શરૂ કરી. ફેન્સ કહેવા લાગ્યા ‘આને કહેવાય સોલમેટ’
આ મહિલા બીજું કોઈ નહીં પણ શિવોન ઝિલિસ છે, જે એલોન મસ્કના ત્રણ બાળકોની માતા છે. તેમની હાજરીએ આ કાર્યક્રમને વધુ ખાસ બનાવ્યો અને સોશિયલ મીડિયા પર ઘણું ધ્યાન ખેંચ્યું.
મોટી હસ્તીઓ સાથે વાતચીત
શિવોન ઝિલિસનું નામ ભલે વધારે ચર્ચામાં ન આવ્યું હોય, પરંતુ ટ્રમ્પના શપથ ગ્રહણ સમારોહ પહેલાના રાત્રિભોજનમાં મસ્ક સાથે જોવા મળ્યા પછી તેના વિશે ચર્ચા ઝડપથી વધી ગઈ. વાયરલ થયેલા ફોટામાં, શિવોન જેફ બેઝોસ અને તેની મંગેતર લોરેન સાંચેઝ, ઈવાન્કા ટ્રમ્પ અને જેરેડ કુશનર જેવી મોટી હસ્તીઓ સાથે વાત કરતા જોવા મળ્યા.
શિવોન ઝિલિસ અને એલોન મસ્કનો સંબંધ
શિવોન ઝિલિસ અને એલોન મસ્ક વચ્ચેના સંબંધો ખૂબ જ પ્રાઈવેટ રહ્યા છે. 2021 માં, આ કપલે જોડિયા બાળકો, સ્ટ્રાઈડર અને એઝ્યુરનું સ્વાગત કર્યું. આ પછી 2024 માં બંનેને ત્રીજું બાળક થયું. શિવોન ઝિલિસે વોલ્ટર આઇઝેકસનના પુસ્તક ‘એલોન મસ્ક’ ને જણાવ્યું હતું કે મસ્કે તેમને બાળકો પેદા કરવા માટે પ્રેરણા આપી હતી.
શિવોન ઝિલિસ કોણ છે?
38 વર્ષીય શિવોન ઝિલિસ કેનેડાના ઓન્ટારિયોના રહેવાસી છે અને યેલ યુનિવર્સિટીમાંથી સ્નાતક છે. તેની માતા પંજાબી છે અને પિતા કેનેડિયન છે. તેઓ એલોન મસ્કની કંપની ન્યુરાલિંકમાં ટોપ એક્ઝિક્યુટિવ છે. તે OpenAI માં એડવાઈઝર પણ છે. શિવોને બ્લૂમબર્ગ બીટા ખાતે રોકાણ ટીમની સ્થાપના કરી હતી અને નવથી વધુ રોકાણોનું નેતૃત્વ કર્યું છે. તે આર્ટિફિશિયલ ઈન્ટેલિજન્સ સંબંધિત સંસ્થાઓના બોર્ડ સભ્ય પણ છે.
એલોન મસ્કના બાળકોનો મોટો છે પરિવાર
એલોન મસ્કને તેમની પહેલી પત્ની જસ્ટિન વિલ્સનથી પાંચ બાળકો છે. આ પછી મસ્ક અને સિંગર ગ્રીમ્સને ત્રણ બાળકો છે, જેમની કસ્ટડી માટે બંને વચ્ચે કાનૂની લડાઈ ચાલી રહી છે. મસ્ક અને શિવોન ઝિલિસને ત્રણ બાળકો છે.
શિવોન ઝિલિસ અને મસ્કની જોડી સોશિયલ મીડિયા પર કરી રહી છે ટ્રેન્ડ
ટ્રમ્પના રાત્રિભોજનમાં મસ્ક અને શિવોનની જોડી પહેલીવાર આટલા હાઈ-પ્રોફાઈલ કાર્યક્રમમાં સાથે જોવા મળી હતી. લોકો સોશિયલ મીડિયા પર તેમની ચર્ચા કરતા થાકતા નથી. એક યુઝરે લખ્યું છે કે’મસ્ક અને શિવોનની જોડી ખૂબ જ ખાસ અને સુંદર છે.’ ઘણા યુઝર્સે શિવોનની સાદગી અને એલોન મસ્ક સાથેના તેમના સંબંધોની પ્રશંસા કરી.
