આગામી 20 જૂનથી ઈંગ્લેન્ડની ધરતી પર ટેસ્ટ ચેમ્પિયનશીપની શ્રેણી ચાલુ થવા જઈ રહી છે. આ શ્રેણી પહેલા ભારતના યુવા ખેલાડીઓ પ્રેક્ટિસ મેચ દરમિયાન શાનદાર પ્રદર્શન કરતાં પણ દેખાયા છે. ત્યારે સવાલ એ જ છે, કે શું ભારતની ટીમ 2007નો ઇતિહાસ ફરી એકવાર રચી શકશે?
20 જૂનથી ઈંગ્લેન્ડમાં ટેસ્ટ ચેમ્પિયનશીપ
IPL 2025ના ભવ્ય સમાપન પછી પણ હાલ ભારતીય ખેલાડીઓ માટે આરામ હરામ જેવી પરિસ્થિતિ બની છે. આગામી 20 જૂનથી ઈંગ્લેન્ડની ધરતી પર ટેસ્ટ ચેમ્પિયનશીપની શ્રેણી ચાલુ થવા જઈ રહી છે. સમગ્ર વિશ્વનું ધ્યાન હાલ આ શ્રેણી પર છે એવું કહી શકાય, કેમકે IPL 2025માં ભારતીય ખેલાડીઓના શાનદાર પ્રદર્શન બાદ ટીમ ઇન્ડિયાના તમામ ખેલાડીઓ ઇંગ્લેન્ડ સામેની ટેસ્ટ શ્રેણીમાં સારું પ્રદર્શન કરશે તેવી અપેક્ષા દરેક ને વધી છે. ટીમ ઇન્ડિયાને મળેલા નવા કપ્તાન શુભમન ગિલના નેતૃત્વ હેઠળ ભારતીય ટીમ આ ટેસ્ટ શ્રેણી રમવા જઈ રહી છે.
ટેસ્ટ શ્રેણી પહેલા કેટલાક મહત્વના સવાલ
ભારતની ટીમ ચોક્કસથી શાનદાર ફૉર્મમાં છે, પરંતુ ટેસ્ટ શ્રેણી પહેલા ટીમ સામે કેટલાક સવાલો ઉભા થયા છે. પહેલો સવાલ એ કે આ શ્રેણીમાં 3 નંબર પર કયો ખેલાડી રમવા આવશે? બીજો સવાલ એ કે કોહલીના સ્થાને શું 4 નંબર પર શુભમીન ગિલ રમશે? પહેલા તેઓ 3 નંબર પર રમવા ઉતરતા હતા. ત્રીજો સવાલ એ કે આ વખતે જસપ્રીત બુમરાહની ફિટનેસ મોટો પ્રશ્ન છે. તેઓ આ ઈંગ્લેન્ડ સામે કેટલી મેચ રમશે? ચોથો સવાલ એ કે કુલદીપ યાદવને સ્થાન મળશે કે નહીં? કેમકે ઇંગ્લેન્ડની ધરતી પર સ્પિનરોને વધુ ફાયદો નથી મળતો. પાંચમો સવાલ એ કે ધ્રુવ જુરેલને તક મળશે કે નહીં?
ભારત-ઇંગ્લેન્ડ ટેસ્ટ ચેમ્પિયનશીપ શેડ્યૂલ
ભારત-ઇંગ્લેન્ડ ટેસ્ટ શ્રેણી 2025 શેડ્યૂલ
પહેલી ટેસ્ટ: 20-24 જૂન, હેડિંગ્લી (લીડ્સ)
બીજી ટેસ્ટ: 2-6 જુલાઈ, એજબેસ્ટન (બર્મિંગહામ)
ત્રીજી ટેસ્ટ: 10-14 જુલાઈ, લોર્ડ્સ (લંડન)
ચોથી ટેસ્ટ, 23-27 જુલાઈ, ઓલ્ડ ટ્રેફોર્ડ (માન્ચેસ્ટર)
પાંચમી ટેસ્ટ: 31 જુલાઈ-4 ઓગસ્ટ, ધ ઓવલ (લંડન)
