- વાતચીત દરમિયાન પીડિત મહિલા જજે જણાવ્યું કે આ કેસ સપ્ટેમ્બર 2022નો છે
- ટોર્ચર બાદ તેણે હાઈકોર્ટથી ડિપાર્ટમેન્ટને પત્રો લખ્યા
- 1000થી વધુ મેઈલ મોકલ્યા, પછી તપાસ કમિટી બનાવવામાં આવી
યુપીની એક મહિલા જજે ચીફ જસ્ટિસ ઓફ ઈન્ડિયાને પત્ર લખીને ઈચ્છામૃત્યુની માંગ કરી છે. આ પછી ચીફ જસ્ટિસ ઓફ ઈન્ડિયા (CJI) DY ચંદ્રચુડે અલ્હાબાદ હાઈકોર્ટ પાસેથી આ મામલે રિપોર્ટ માંગ્યો છે.
CJI એ અલ્હાબાદ હાઈકોર્ટ પાસે રિપોર્ટ માંગ્યો
મોડી રાત્રે CJIએ સુપ્રીમ કોર્ટના મહાસચિવ અતુલ એમ કુર્હેકરને અલ્હાબાદ હાઈકોર્ટ પ્રશાસન પાસેથી સ્ટેટસ રિપોર્ટ માંગવા કહ્યું છે. મહાસચિવ કુર્હેકરે અલ્હાબાદ હાઈકોર્ટના રજીસ્ટ્રાર જનરલને પત્ર લખીને મહિલા જજ દ્વારા આપવામાં આવેલી તમામ ફરિયાદોની માહિતી માંગી છે. આ સાથે, આંતરિક ફરિયાદ સમિતિ સમક્ષ કાર્યવાહીની સ્થિતિ વિશે પૂછવામાં આવ્યું છે જે ફરિયાદ પર કાર્યવાહી કરે છે. આ પત્ર સોશિયલ મીડિયા પર વાયરલ થયા બાદ આ પગલું ભરવામાં આવ્યું છે. તમને જણાવી દઈએ કે મહિલા જજે સુપ્રીમ કોર્ટના ચીફ જસ્ટિસને પત્ર લખીને ઈચ્છામૃત્યુની વિનંતી કરી છે. તેઓ કહે છે કે તેની સાથે ખૂબ જ અપમાનજનક વર્તન કરવામાં આવ્યું છે જેના કારણે તે ખૂબ જ દુઃખી છે, હવે તે મરવા માંગે છે જેથી તેને મંજૂરી આપવામાં આવે.
જો કોઈ મહિલા સિસ્ટમ સામે લડવાનું વિચારે છે તો તે ખોટું છે
મહિલા ન્યાયાધીશે પોતાના પત્રમાં લખ્યું છે કે, ‘હું અન્યોને ન્યાય આપું છું, તેણે ભારતમાં કામ કરતી મહિલાઓને પણ સંદેશ આપ્યો હતો અને કહ્યું હતું કે તેઓ કોઈપણ પ્રકારના જુલમ સાથે જીવતા શીખે, આ આપણા જીવનનું સત્ય છે, જો તમે ફરિયાદ કરશો તો તમને હેરાન કરવામાં આવશે. તેમણે આગળ લખ્યું કે, ‘મને ન્યાય માટે માત્ર 8 સેકન્ડનો સમય મળ્યો, હું મારા માટે નિષ્પક્ષ તપાસ કરાવી શકી નહીં, જો કોઈ મહિલા સિસ્ટમ સામે લડવાનું વિચારે છે તો તે ખોટું છે, મેં એક જજ તરીકે આ અનુભવ્યું છે.’
મહિલા જજે શું લખ્યું પત્રમાં?
વાતચીત દરમિયાન પીડિત મહિલા જજે જણાવ્યું કે આ કેસ સપ્ટેમ્બર 2022નો છે. ટોર્ચર બાદ તેણે હાઈકોર્ટથી ડિપાર્ટમેન્ટને પત્રો લખ્યા, 1000થી વધુ મેઈલ મોકલ્યા, પછી તપાસ કમિટી બનાવવામાં આવી. તપાસ 3 મહિનામાં પૂરી થવી જોઈતી હતી પરંતુ હજુ સુધી કંઈ થયું નથી. તેમણે કહ્યું, હું મે 2023 થી યુપીના એક જિલ્લામાં પોસ્ટેડ છું, ક્યાંય સુનાવણી થઈ નથી, કોઈએ મારી વાત નથી સાંભળી, મને દિલ્હીમાં માત્ર 8 સેકન્ડનો સમય મળ્યો અને મારી અરજી ફગાવી દેવામાં આવી. હવે મારી પાસે કોઈ વિકલ્પ બચ્યો નથી, જેના કારણે મેં આવું પગલું ભર્યું છે.
