અમદાવાદની બી. જે મેડિકલ કોલેજમાં મહિલા તબીબોને સ્વ બચાવ માટે માર્શલ આર્ટ્સ અને જુડોની ટ્રેનિંગ આપવામાં આવી
કોલકાતામાં મહિલા તબીબ સાથે થયેલા અમાનુષી અત્યાચાર બાદ હત્યાની ઘટનાથી સમગ્ર દેશ હચમચી ગયો છે. કોલકાતાની આર.જી.કર સરકારી હોસ્પિટલમાં ફરજ બજાવતી 31 વર્ષિય મહિલા તબીબની દુષ્કર્મ બાદ હત્યા કરી દેવામાં આવી. આ ઘટના સામે આવ્યા બાદ સમગ્ર દેશના તબીબી આલમમાં ભારે આક્રોષ છે અને પીડિતાને ન્યાય અપાવવા દેશભરના જુનિયર તબીબો છેલ્લા 10 દિવસથી દેખાવ કરી રહ્યા છે. અમદાવાદમાં પણ બીજે મેડિકલ કોલેજમાં સતત પાંચ દિવસથી તબીબો હડતાળ પાડી આક્રોષ વ્યક્ત કરી રહ્યા છે તેમજ ડૉક્ટર્સ પર થતા હુમલા સામે સેન્ટ્રલ પ્રોટેક્શન એક્ટ બનાવવાની સતત માગ કરી રહ્યા છે.
આવી ઘટના વારંવાર ન બને અને બને તો શું કરવું તેની ચર્ચા ચારે કોર્ષ ચાલી રહી છે. દરેક પ્રકારના વિકલ્પો ના સૂચનો અપાઈ રહ્યા છે ત્યારે મહિલાઓ પોતાનો બચાવો પોતે જાતે કરે તે વધુ ઇચ્છનીય છે. અને આ સ્વભાવ બચાવ માટે મહિલાને સ્વ સુરક્ષા પણ આવડવી જરૂરી છે આ માટે આ વિરોધ પ્રદર્શન દરમિયાન એક ખાસ ટ્રેનિંગ સેશનનું આયોજન કરવામાં આવ્યું હતું.અમદાવાદમાં આ વિરોધ પ્રદર્શન દરમિયાન મહિલા તબીબોને રક્ષાબંધન પર્વે સેલ્ફ ડિફેન્સ માટે માર્શલ આર્ટ્સ અને જુડોની ટ્રેનિંગ આપવામાં આવી. આ દરમિયાન મેડિકલની 500 જેટલી વિદ્યાર્થિનીઓને માર્શલ આર્ટસની તાલીમ આપવામાં આવી હતી. બી.જે. મેડિક કોલેજમાં કેમ્પસમાં પ્રથમવાર મેડિકલ, ડેન્ટલ અને નર્સિંગની વિદ્યાર્થિનીઓ માટે આ તાલીમનું આયોજન કરવામાં આવ્યુ હતુ. જેમા સ્પેશ્યિલ માર્શલ આર્ટ ટ્રેનરને બોલાવવામાં આવ્યા હતા.
અમદાવાદની બીજે મેડિકલ કોલેજમાં છેલ્લા પાંચ દિવસથી યુજી, પીજીના વિદ્યાર્થીઓ ઈન્ટર્ન્સ અને રેસિડેન્ટ્સ હડતાળ યથાવત છે. આજે પણ આ જુનિયર રેસિડેન્ટ્સ તબીબો ઓપીડી અને ઈમરજન્સી સહિતની સેવાઓથી અળગા રહ્યા હતા. સરકાર દ્વારા રેસિડેન્ટ ડૉક્ટર્સ એસોસિએશનની કેટલીક માગો હજુ સ્વીકારાઈ ન હોવાથી તેમનો વિરોધ યથાવત્ છે
