વિશ્વના ઘણા દેશો હાલમાં ઘટતી વસ્તીનો સામનો કરી રહ્યા છે. ચીન, જાપાન અને દક્ષિણ કોરિયાનો જન્મ દર ઘટી રહ્યો છે. વળી, તાજેતરના અહેવાલમાં એવો પણ દાવો કરવામાં આવ્યો છે કે ઘટતી વસ્તીને કારણે દક્ષિણ કોરિયા વિશ્વનો પહેલો દેશ બની શકે છે જે અદ્રશ્ય થઈ શકે છે. એક તરફ, વિશ્વમાં વસ્તીમાં ઘટાડો એ ચેતવણીની ઘંટડી વગાડી રહ્યો છે. દરમિયાન, મુસ્લિમ દેશ સાઉદી અરેબિયામાં, માત્ર વસ્તીમાં વધારો નોંધાયો નથી. હકીકતમાં, સાઉદી અરેબિયાનો જન્મ દર વિશ્વના સૌથી મોટા વસ્તીવાળા દેશ ભારત કરતા વધારે છે.
સાઉદી અરેબિયામાં વસ્તીવધારો
જનરલ ઓથોરિટી ફોર સ્ટેટિસ્ટિક્સ (GASTAT) ના નવા ડેટા અનુસાર, સાઉદી અરેબિયાની વસ્તી વર્ષ 2024 ના મધ્ય સુધીમાં 35.3 મિલિયન હતી. આંકડા અનુસાર, સાઉદી અરેબિયાના નાગરિકોની વસ્તી 55.6 ટકા છે. જ્યારે ફોર્બસ હાઇલાઇટના રિપોર્ટ પ્રમાણે 33.9 મિલિયન છે. જે જૂના આંકડા છે. તેમ છતાં 33.9 માંથી 35.3 મિલિયન, આ વધારો સૂચવે છે કે સાઉદી આરબમાં વસ્તી વધી રહી છે. બીજી બાજુ, સાઉદી અરેબિયામાં વિદેશીઓની વસ્તી મોટા પ્રમાણમાં છે, જેઓ વ્યવસાય, અભ્યાસ અને નોકરી વગેરે હેતુઓ માટે દેશમાં રહે છે. ત્યારે રિપોર્ટ અનુસાર, સાઉદીની વસ્તીના 44.4 ટકા લોકો તો બિન-સાઉદી લોકો છે. રિપોર્ટ અનુસાર, વર્ષ 2023ના મધ્યની સરખામણીએ 2024ના મધ્ય સુધી વસ્તીમાં 4.7 ટકાનો વૃદ્ધિ દર નોંધવામાં આવ્યો છે. આ સાથે વર્ષ 2024માં 16 લાખ લોકોનો વધારો થયો છે. જોકે, મે 2022માં વાર્ષિક વૃદ્ધિ 4.6 ટકા નોંધાઈ હતી.
ભારત કરતાં જન્મદરમાં વધુ વધારો થયો છે
સાઉદી અરેબિયામાં વર્ષ 2022માં વિશ્વ બેંકના રિપોર્ટ અનુસાર જન્મ દર 2.39 નોંધાયો હતો. આ પછી, તાજેતરના અહેવાલ મુજબ, સાઉદી નાગરિકોનો જન્મ દર 2.7 નોંધવામાં આવ્યો છે. જ્યારે બિન-સાઉદી નાગરિકો માટે તે 0.8 નોંધવામાં આવ્યું છે. સાઉદી અરેબિયાનો જન્મ દર ભારત કરતા વધુ વધ્યો છે. જ્યારે ભારતની વસ્તી 140 કરોડ જેટલી છે, રિપોર્ટ અનુસાર, જન્મ દર હવે ઘટી રહ્યો છે. કેન્દ્ર સરકારે 10 ડિસેમ્બર, 2024ના રોજ જણાવ્યું હતું કે, નેશનલ ફેમિલી હેલ્થ સર્વે-5 (2019-21) અનુસાર, ભારતમાં પ્રજનન દર 2.0 નોંધાયો છે. જ્યારે, ધ ગ્લોબલ બર્ડન ઑફ ડિસીઝ, ઈન્જરીઝ અને રિસ્ક ફેક્ટર્સ સ્ટડી (GBD) 2021 અનુસાર, વર્ષ 1950માં ભારતનો પ્રજનન દર 6.18 નોંધાયો હતો, જે વર્ષ 2021 સુધીમાં 1.9 પર પહોંચ્યો હતો. તેમજ રિપોર્ટમાં એવી શક્યતા વ્યક્ત કરવામાં આવી છે કે વર્ષ 2100 સુધીમાં ભારતમાં પ્રજનન દર ઘટીને 1.04 થઈ શકે છે.
આયુષ્ય દરમાં પણ સાઉદી અરેબિયા આગળ નીકળ્યું
ફોર્બ્સે તાજેતરમાં વિશ્વના ટોપ 10 શક્તિશાળી દેશોનું એક લિસ્ટ જાહેર કર્યું હતું. જેમાં વિવિધ આયમોને લક્ષ લઈ વિશ્વના પહેલા 10 શક્તિશાળી દેશોનો રિપોર્ટ બનવ્યો છે. આ રિપોર્ટ અનુસાર સાઉદી અરેબિયાએ 9 માં ક્રમે સ્થાન લીધું છે. ભારત ટોપ 10 દેશના લિસ્ટમાંથી બહાર નીકળી ગયું છે. ઉપરાંત સાઉદી અરેબિયાની જીડીપી 1.14 ટ્રિલિયન છે. સાઉદી અરેબિયામાં જીવનનું આયુષ્ય 78 વર્ષ નોંધાયું છે. તે જ સમયે, ભારતમાં વર્ષ 2022 માટે વિશ્વ બેંકના અહેવાલ અનુસાર, આયુષ્ય 67.74 વર્ષ નોંધવામાં આવ્યું છે. તો ચીનમાં સૌથી વધુ 78.59 અને જાપાનમાં 84 વર્ષ નોંધવામાં આવ્યો છે. આમ, ભારત કરતાં સાઉદી અરેબિયામાં જન્મદરમાં વધારાની સાથે આયુષ્ય દરમાં પણ આગળ છે.
