નોર્વે ચેસ ટુર્નામેન્ટમાં મેજર અપસેટ સર્જાયો છે. વિશ્વના નંબર-1 ચેસ ખેલાડી મેગ્નસ કાર્લસને નોર્વે ચેસ ટુર્નામેન્ટના પ્રથમ રાઉન્ડમાં ખૂબ જ રોમાંચક મેચમાં ભારતના વર્તમાન વિશ્વ ચેમ્પિયન ડી ગુકેશને હરાવ્યો.આ રોમાંચક મેચમાં , કાર્લસને અંતિમ ક્ષણોમાં 55 ચાલમાં રણનીતિ બતાવી જીત મેળવી.
4 કલાકથી વધારે મેચ સુધી ચાલી
ખુબજ રોમાંચક રહેલી આ મેચ 4 કલાકથી વધારે સમય સુધી ચાલી હતી. સમગ્ર મેચ દરમ્યાન ગુકેશે મોટાભાગે કાર્લસનને દબાણમાં રાખ્યો હતો , પરંતુ એક મહત્વપૂર્ણ ભૂલના કારણે ગુકેશના હાથમાંથી મેચ સરી ગઈ. આ ભવ્ય જીતથી કાર્લસનને પૂરા ત્રણ પોઈન્ટ મળ્યા અને તે અમેરિકન ગ્રાન્ડમાસ્ટર હિકારુ નાકામુરા સાથે સંયુક્ત લીડમાં પહોંચી ગયો, જેમણે ફેબિયાનો કારુઆનાને હરાવ્યો.
ટુર્નામેન્ટમાં ભાગ લેનારા ટોચના ખેલાડીઓ
કાળા મોહરાથી રમતા ગુકેશે ૧૧મા ચાલ વખતે મેગ્નસના વિરોધીના સફેદ મોહરાની ચાલને બેઅસર કરી હતી ગુકેશે નોર્વેજીયન ખેલાડીને ૧૫ મિનિટથી વધુ સમય સુધી વિચારવા મજબૂર કર્યો હતો. પરંતુ 34 વર્ષીય કાર્લસન, જેમણે હવે રેપિડ અને બ્લિટ્ઝ અને તાજેતરમાં ફ્રીસ્ટાઇલ ચેસ જેવા ટૂંકા ફોર્મેટ રમવાનું શરૂ કર્યું છે, તેમણે 55 ચાલમાં જીત મેળવીને બતાવ્યું કે તેમણે ક્લાસિકલ ફોર્મેટ સાથેનો સંપર્ક હજી પણ ગુમાવ્યો નથી.
ભારતીય ખેલાડી છવાયો
ટુર્નામેન્ટમાં ભાગ લેનાર બીજા ભારતીય ખેલાડીઓની વાત કરીએ તો અર્જુન એરિગાઇસીએ આર્માગેડન મેચમાં ચીનના નંબર-1 ગ્રાન્ડમાસ્ટર વેઇ યીને હરાવ્યો અને ત્યારબાદ બંને વચ્ચેની ક્લાસિકલ રમત 54 ચાલમાં ડ્રો થઈ ગઈ હતી. આર્માગેડનમાં જીતથી અર્જુનને 1.5 પોઈન્ટ મળ્યા, જ્યારે વેઈ યીને 1 પોઈન્ટ મળ્યો.
કોનેરુ હમ્પીએ પણ જીત મેળવી
બે વખતની વર્લ્ડ રેપિડ ચેમ્પિયન કોનેરુ હમ્પીએ પણ ભારતીય ખેલાડી આર વૈશાલી સામે નિર્ણાયક મેચ જીતી. મેચ એકદમ સંતુલિત રહી, પરંતુ અંતે હમ્પીએ વૈશાલીની ભૂલનો ફાયદો ઉઠાવ્યો અને મેચ જીતી લીધી.
