- પાકિસ્તાન અને ન્યૂઝીલેન્ડ વચ્ચે મેચ
- રચિન રવિન્દ્રએ પાકિસ્તાન વિરુદ્ધ ફટકારી સદી
- સહેવાગે પાકિસ્તાનની દુઃખતી નસ દબાવી
ટીમ ઈન્ડિયાના પૂર્વ વિસ્ફોટક બેટ્સમેન વિરેન્દ્ર સહેવાગ અવાર-નવાર સમાચારમાં આવે છે, ત્યારે હવે સહેવાલે સોશિયલ મીડિયા પ્લેટફોર્મ પર ટ્વીટ કર્યું છે. આ વખતે સહેવાગે પાકિસ્તાની ક્રિકેટ ટીમ પર ટાર્ગેટ કર્યો છે. સહેવાગે આ ટ્વીટ પાકિસ્તાનની દુઃખતી નસ દબાવવા કર્યું છે. પાકિસ્તાન વર્લ્ડકપ 2023ના સેમીફાઈનલની રેસમાંથી લગભગ બહાર થઈ ગયું છે. જો કે, પાકિસ્તાન આજે બેંગાલુરુના ચિન્નાસ્વામી સ્ટેડિયમમાં ન્યૂઝીલેન્ડ વિરુદ્ધ મેચ રમી રહ્યું છે. આ મેચમાં ન્યૂઝીલેન્ડના બોલર્સે પાકિસ્તાનની ખુબ પિટાઈ કરી છે.
રચિન રવિન્દ્રની બેટિંગના ફેન બન્યા સહેવાગ
ન્યૂઝીલેન્ડે પહેલાં બેટિંગ કરીને 50 ઓવરમાં 6 વિકેટના નુકસાને 401 રન બનાવ્યા છે. ન્યૂઝીલેન્ડ માટે રચિન રવિન્દ્રએ 94 બોલમાં 108 રનની ઈનિંગ રમી છે. જે બાદ સહેવાગે ટ્વીટ કરીને લખ્યું કે, વર્ષોથી પાકિસ્તાનને તકલીફ આપવાની સચિન અને રાહુલને આદત રહી છે. રચિને શું અદભૂત ઈનિંગ રમી છે. ઉલ્લેખનીય છે કે, રચિનના પિતા રવિ કૃષ્ણામૂર્તિ કર્ણાટકના બેંગાલુરૂથી સંબંધ રાખે છે અને તે ભારતીય દિગ્ગજ બેટ્સમેન સચિન તેંડુલકર અને રાહુલ દ્રવિડના મોટા ફેન છે.
સચિન અને દ્રવિડના નામ પર પડ્યું રચિનનું નામ
સચિનના પિતા 90ના દાયકામાં ન્યૂઝીલેન્ડ શિફ્ટ થયા હતા, પરંતુ તેના દિલમાં ક્રિકેટ છૂટ્યું નહતું. જ્યારે રચિનનો જન્મ થયો, તે તેના પિતા રવિએ તેનું નામ સચિન તેંડુલકર અને રાહુલ દ્રવિડના નામ પર રાખવાનો નિર્ણય કર્યો છે. તેમણે રાહુલનો ‘ર’ અને સચિનના ‘ચિન’ સાથે દીકરાનું નામ રચિન રાખ્યું છે.
