ઇઝરાયલ વિરુદ્ધ કેમ્પસમાં થયેલા પ્રદર્શનો બાદ ડોનાલ્ડ ટ્રમ્પ વહીવટીતંત્રે હાર્વર્ડ યુનિવર્સિટી પર એક પછી એક કાર્યવાહી કરી છે. યુએસ શિક્ષણ વિભાગે યુનિવર્સિટીઓને સંશોધન અને અન્ય નાણાકીય સહાય માટે મળતા અબજો ડોલરના ભંડોળને અટકાવી દીધું છે. વિભાગે સોમવારે યુનિવર્સિટી પ્રશાસનને આ અંગે જાણ કરી.
રોઇટર્સના અહેવાલ મુજબ, જ્યાં સુધી હાર્વર્ડ ટ્રમ્પ વહીવટીતંત્રની માંગણીઓ સ્વીકારે નહીં ત્યાં સુધી આ પ્રતિબંધ લાગુ રહેશે. વિભાગે યુનિવર્સિટીને કેમ્પસમાં કથિત યહૂદી વિરોધીતા, વિદ્યાર્થી જાતિ નીતિ અને સંસ્થા દ્વારા ગ્રાન્ટ સ્વીકારવા પર પ્રતિબંધ અંગે પગલાં લેવા જણાવ્યું છે.
શિક્ષણ વિભાગના સચિવ લિન્ડા મેકમોહને એક પત્રમાં જણાવ્યું હતું કે હાર્વર્ડે ફેડરલ સરકાર પાસેથી અનુદાન ન લેવું જોઈએ, કારણ કે હવે કોઈ અનુદાન આપવામાં આવશે નહીં.હાર્વર્ડે આનો તાત્કાલિક જવાબ આપ્યો ન હતો. અહેવાલો અનુસાર, ટ્રમ્પ વહીવટીતંત્રે કાનૂની મર્યાદાઓને ધ્યાનમાં રાખીને આ પગલું ભર્યું અને એક નવું પગલુ ભર્યુ છે.
પેલેસ્ટાઇન તરફી વિરોધ પ્રદર્શનો બાદ, ટ્રમ્પ વહીવટીતંત્રે યુનિવર્સિટી વહીવટીતંત્ર પર કેમ્પસમાં યહૂદી વિરોધી પ્રવૃત્તિઓ થઈ રહી હોવાનો આરોપ લગાવ્યો હતો. ટ્રમ્પ વહીવટીતંત્રે કેમ્પસમાં આવા જૂથો સામે કાર્યવાહી અને વિરોધ પ્રદર્શન દરમિયાન માસ્ક પર પ્રતિબંધ મૂકવાની માંગ કરી હતી. જોકે, યુનિવર્સિટી દ્વારા આવા આરોપોને નકારી કાઢવામાં આવ્યા છે. ટ્રમ્પ પ્રશાસનની માંગ મુજબ, કેમ્પસના વિરોધીઓ સામે કોઈ નક્કર કાર્યવાહી કરવામાં આવી નથી, જેના કારણે ટ્રમ્પ પ્રશાસનની નારાજગી વધી છે
