ફ્રાન્સના રાષ્ટ્રપતિ ઇમેન્યુઅલ મેક્રોન વિયેતનામની મુલાકાતથી જ ચર્ચામાં છે. સોશિયલ મીડિયા પર વાયરલ થઈ રહેલા એક વીડિયોમાં, ઇમેન્યુઅલ મેક્રોનને તેમની પત્ની બ્રિજિટ મેક્રોન થપ્પડ મારતા જોવા મળે છે.
મેક્રોનના કાર્યાલયે કહ્યું છે કે આ વીડિયોને વધુ મહત્વ આપવામાં આવશે નહીં. આ વીડિયો તે સમયનો છે જ્યારે ફ્રાન્સના રાષ્ટ્રપતિ વિયેતનામમાં તેમના વિમાનમાંથી ઉતરી રહ્યા હતા.
પદ સંભાળ્યા પછી ફક્ત તેમની પત્ની જ નહીં, ફ્રેન્ચ રાષ્ટ્રપતિને અલગ અલગ લોકોએ 5 વખત થપ્પડ મારી છે. રાજકારણીઓ પર વસ્તુઓ ફેંકવી એ લાંબા સમયથી ફ્રેન્ચ વિરોધીઓનો શોખ રહ્યો છે, અને ઇમેન્યુઅલ મેક્રોન તેમનું પ્રિય લક્ષ્ય રહ્યું છે. 2016 થી ફ્રાન્સની યાત્રાઓ દરમિયાન મેક્રોનને પાંચ વખત મારવામાં આવ્યા છે.
ઇંડા અને શાકભાજી દ્વારા હુમલો
જૂન 2016 માં, મોન્ટ્રીયલમાં, પોસ્ટ ઓફિસની મુલાકાત દરમિયાન વિરોધીઓએ મેક્રોન પર ઇંડા અને શાકભાજી ફેંક્યા હતા. “તેમણે મજાકમાં કહ્યું ,મને મારા પોતાના ઇંડા શેમ્પૂથી ધોવા ગમે છે,” મેક્રોન ફ્રાન્સના અર્થતંત્ર મંત્રી હતા ત્યારે આવું કહ્યું હતું.
પેરિસમાં ઈંડાથી હુમલો
માર્ચ 2017માં રાષ્ટ્રપતિ પદના ઉમેદવાર તરીકે, પેરિસ કૃષિ શોમાં મેક્રોન પર ફરીથી ઇંડા ફેંકવામાં આવ્યા. “તે લોકકથાનો ભાગ છે,” તેમણે કહ્યું, કારણ કે તેના માથા પર એક ઈંડું તૂટી ગયું હતું.
2021 નો થપ્પડ
જૂન 2021માં એક માણસે મેક્રોનને થપ્પડ માર્યો હતો. શાળાની મુલાકાત દરમિયાન, એક માણસે મેક્રોનને મોઢા પર થપ્પડ મારી હતી. સુરક્ષા કર્મચારીઓએ તેને ખેંચી લીધો, અને હુમલાખોરને 4 મહિનાની જેલની સજા ફટકારવામાં આવી.
ફૂડ મેળામાં પણ માર્યું ઈંડું
સપ્ટેમ્બર 2021 માં, લિયોનમાં એક ફૂડ મેળામાં, એક માણસે મેક્રોન પર ઈંડું ફેંક્યું અને “વિવે લા રિપબ્લિક” બૂમો પાડી, પરંતુ ઈંડું તૂટ્યું નહીં. તે વ્યક્તિની ધરપકડ કરવામાં આવી હતી.
ચેરી ટામેટાંનો પણ થયો હુમલો
ઈંડા અને થપ્પડ પછી, એપ્રિલ 2022 માં સેર્ગીમાં તેમની જીત પછી એક બજારમાં મેક્રોન પર ચેરી અને ટામેટાં ફેંકવામાં આવ્યા હતા તેમને કોઈ ઈજા થઈ ન હતી. તેમના બોડીગાર્ડએ છત્રી ખોલીને બચાવવાનો પ્રયાસ કર્યો.
