તમે સાંભળ્યું હશે કે ભારત અથવા અન્ય કોઈ દેશે સ્પેસમાં છલાંગ લગાવી હોય, પણ શું તમે એવું સાંભળવ્યું છે કે કોઈ વ્યક્તિ અંતરિક્ષમાંથી ધરતી પર કુદી ગયો હોય. હા એ વાત સાચી છે. દુનિયામાં આ એક એવો વ્યક્તિ છે જેણે અંતરિક્ષમાં જઈને ધરતી પર છલાંગ લગાવી છે. તેનો વિડીયો ખુબ વાયરલ થયો છે. પરંતું લોકોના મનમાં એ પ્રશ્ન પણ છે કે તેણે આવું કઈ રીતે કર્યું અને તે કેટલું ખતરનાક છે.
કોણે લગાવી છલાંગ?
જે અંતરિક્ષમાં જવા માટે કલાકોનો સમય લાગે છે, ત્યાં એક વ્યક્તિએ અંતરિક્ષમાંથી ધરતી પર છલાંગ લગાવી હતી. આ વ્યક્તિ છે ઓસ્ટ્રેલિયન સ્કાય ડ્રાઈવર ફેલિક્સ બોમગાર્ટન. વર્ષ 2012માં આ વ્યક્તિએ વર્લ્ડ રેકોર્ડ બનાવ્યો હતો. 14 ઓક્ટોબર 2012ના રોજ આ વ્યક્તિએ સ્પેસમાંથી ધરતી પર છલાંગ લગાવી હતી. આ વ્યક્તિ હીલિયમ બલૂનની મદદથી અહીં સુધી પહોંચ્યો હતો અને ત્યાંથી છલાંગ લગાવી હતી. આ દરમિયાન એક એવો સમય પણ આવ્યો જ્યારે વ્યક્તિએ સાઉન્ડની સ્પિડને પણ ક્રોસ કરી દીધી. રેડ બુલે તેની આ છલાંગને સપોર્ટ કર્યો હતો.
વર્લ્ડ રેકોર્ડમાં મેળવ્યુ સ્થાન
ફેલિક્સ બોમગાર્ટનની આ છલાંગ વર્લ્ડ રેકોર્ડમાં નોંધવામાં આવી છે અને હજી સુધી કોઈ આ રેકોર્ડ તોડી શક્યું નથી. સૌથી ઝડપી આ છલાંગ દરમિયાન ફે્લિક્સની સ્પીડ 833.9 mph હતી. કોઈ પાવર વગર તેમણે આ છલાંગ લગાવી હતી. તેઓ સ્પેસમાંથી સીધા ધરતી પર કુદ્યા હતા. એટમોસ્ફિયરના પ્રેશર અનુસાર તેમની સ્પીડ વધી રહી હતી. આ જંપ પછી ભવિષ્યમાં ટ્રાવેલ સેફ્ટીના ઘણા રુલ્સ બદલવાનો પ્રસ્તાવ રાખવામાં આવ્યો.
ફેલિક્સ બોમગાર્ટને અંતરિક્ષમાંથી છલાંગ લગાવવા માટે ન્યૂ મેક્સિકોના રોસવેલથી હીલિયમના પેરાશુટ દ્વારા ઉડાણ ભરી હતી. અંતરિક્ષમાં પહોંચીને જ્યારે તેમણે છલાંગ લગાવી તો થોડી વાર તેમણે પેરાશૂટ ખોલ્યું નહોતું. તેમણે ધરતી પર આવવાના 1000 મીટર પહેલા પેરાશુટ ખોલ્યું હતું.
