- સેન્ટ્રલ આફ્રિકાની રાજધાનીમાં નદીમાં હૃદયદ્રાવક દુર્ઘટના સર્જાઈ
- મૃતકો સ્વજનના અંતિમ સંસ્કારમાં સામેલ થવા જઈ રહ્યા હતા
- નદીમાં હજી સેંકડો લોકો ગુમ હોવાનો તંત્રનો દાવો
સેન્ટ્રલ આફ્રિકન રિપબ્લિકમાં એક નદીમાં મુસાફરોને લઈ જતી ફેરી પલટી જતાં ઓછામાં ઓછા 58 લોકો ડૂબી ગયા છે. પ્રત્યક્ષદર્શીઓએ શનિવારે આ માહિતી આપી હતી. એવું કહેવામાં આવી રહ્યું છે કે લગભગ 300 લોકોને લઈને લાકડાની બોટ શુક્રવારે રાજધાની બાંગુઈમાંથી પસાર થતી માપોકો નદીને પાર કરી રહી હતી ત્યારે આ દુર્ઘટના થઈ હતી. સ્થાનિક બોટમેન અને માછીમારોએ સૌ પ્રથમ બચાવ કામગીરી શરૂ કરી હતી.
બાંગુઈ યુનિવર્સિટી હોસ્પિટલના અધિકારીઓએ જણાવ્યું હતું કે સૈન્યના સર્ચ ઓપરેશનમાં વધારો થતાં મૃત્યુઆંક વધી રહ્યો છે. સેન્ટ્રલ આફ્રિકન રિપબ્લિકની રાજધાની બાંગુઈમાં નદીમાંથી પસાર થઈને એક ગામમાં અંતિમ સંસ્કારમાં ભાગ લેવા માટે બોટ 300 થી વધુ લોકોને લઈ જઈ રહી હતી. પરંતુ તેમાંથી 58 મૃત્યુ પામ્યા, એક અધિકારીએ શનિવારે જણાવ્યું હતું.
મૃત્યુઆંક હજી વધવાની ભીતિ સેવાઈ રહી છે
નાગરિક સુરક્ષા વિભાગના વડા થોમસ જિમાસે જણાવ્યું હતું કે, “ઘટનાની 40 મિનિટ પછી અમને ચેતવણી આપવામાં આવી હતી અને બચાવ કર્મચારીઓ લગભગ 58 મૃતદેહોને બહાર કાઢવામાં સફળ થયા હતા.” એમપોકો નદીમાં વધુ લોકો ડૂબી ગયા હોવાની આશંકા હતી, તેમણે ટેલિફોન ઇન્ટરવ્યુમાં જણાવ્યું હતું કે, શોધ ચાલુ છે. નદી પરિવહન સલામતી નિયમોનું વધુ સારી રીતે પાલન કરવા માટે કહેવામાં આવ્યું છે. હવે મૃત્યુઆંક વધવાની આશંકા છે. બોટમાં 300થી વધુ લોકો સવાર હોવાના અહેવાલ છે. મોટી સંખ્યામાં લોકો ગુમ થયાના અહેવાલ છે. ઘટનાસ્થળે રાહત અને બચાવ કાર્ય કરવામાં આવી રહ્યું છે.
