આ વસ્તુ હતી UFC at the Oval Office નામની ફાઇલ. આ ફાઇલમાં જૂન 2026માં વ્હાઇટ હાઉસમાં આયોજિત UFC ઇવેન્ટની યોજના હતી.
વ્હાઇટ હાઉસમાં ઇવેન્ટનું આયોજન
અમેરિકાના રાષ્ટ્રપતિ ડોનાલ્ડ ટ્ર્મ્પ અને ન્યુયોર્ક સિટીના નવ-નિયુક્ત મેયર ઝોહરાન મમદાની વચ્ચેની પ્રથમ મુલાકાત વ્હાઇટ હાઉસમાં કરવામાં આવી હતી. આ મુલાકાત બાદ બન્ને નેતાઓએ સંયુક્ત પત્રકાર પરિષદ યોજી હતી. ઝોહરાન મમદાનીએ વ્હાઇટ હાઉસમાં UFC at the Oval Office નામની ફાઇલ જોઇ હતી અને મમદાનીને આ સામાન્ય ફાઇલ લાગી હતી. પરંતુ જ્યારે તેને ખોલીને જોવામાં આવી ત્યારે તે મહત્ત્વની હોવાનું સામે આવ્યુ હતુ.
ફાઇલમાં અષ્ટકોણ આકારના લડાઈ મેદાનના ચિત્રો
UFC અમેરિકાની પ્રખ્યાત મિક્સ્ડ માર્શલ આર્ટસ સંસ્થા છે. તેનું મુખ્યાલય લાસ વેગાસમાં છે. ટ્રમ્પ હાઉસના સાઉથ લોનમાં જૂન 2026માં UFC ઇવેન્ટ આયોજિત કરવામાં આવશે. મમદાનીએ સમજાવ્યું કે ફાઇલમાં અષ્ટકોણ આકારના લડાઈ મેદાનના ચિત્રો પણ હતા. જેમાં દર્શાવવામાં આવ્યું હતું કે વ્હાઇટ હાઉસની સામે લડાઈ રિંગ કેવી રીતે બનાવવામાં આવશે. તેમણે મજાકમાં ટિપ્પણી કરી કે તેમને ખબર નહોતી કે વ્હાઇટ હાઉસમાં ક્યારેય UFC લડાઈ યોજાશે. આ કાર્યક્રમ 14 જૂન, 2026 ના રોજ યોજાવાનો છે, જે ટ્રમ્પનો 80મો જન્મદિવસ પણ છે.
કટાક્ષ બાદ પણ શાંતિથી કરી ચર્ચા-વિચારણા
મુલાકાત દરમિયાન, ટ્રમ્પે ચૂંટણી દરમિયાન થયેલા તીક્ષ્ણ હુમલાઓ છતાં, મમદાનીની સાથે ખૂબ જ નરમાશથી વાત કરી. મમદાનીએ છેલ્લે ટ્રમ્પને ફાસીવાદી કહ્યા હતા, પરંતુ ટ્રમ્પે તેને હસીને કહ્યું, તેમને મને ફાસીવાદી કહેવું ઠીક છે. મમદાનીએ ઉમેર્યું કે તેઓ હજુ પણ ટ્રમ્પને ફાસીવાદી અને સરમુખત્યાર માને છે. તેમણે એમ પણ કહ્યું કે ટ્રમ્પ સાથેની તેમની મુલાકાત ઉપયોગી હતી. મારો ધ્યેય દલીલ કરવાનો નથી, પરંતુ ન્યૂ યોર્કના લોકો માટે કામ કરાવવાનો છે.
