અમેરિકામાં સત્તામાં આવ્યા ત્યારથી, ડોનાલ્ડ ટ્રમ્પ એક્શન મૂડમાં હોય તેવું લાગી રહ્યુ છે. પોતાના કાર્યકાળના પહેલા જ દિવસે ટ્રમ્પે ગેરકાયદેસર ઇમિગ્રેશનને રાષ્ટ્રીય કટોકટી જાહેર કરી અને તેનો સામનો કરવા માટે અનેક પગલાં પણ લીધાં.અમેરિકાના રાષ્ટ્રપતિ ડોનાલ્ડ ટ્રમ્પે ઇમિગ્રેશનને લઈ કડક પગલાં લીધાં છે. ટ્રમ્પે ગેરકાયદેસર ઇમિગ્રેશનને રાષ્ટ્રીય કટોકટી ગણાવી છે. ટ્રમ્પના આ પગલાથી મેક્સિકો ચોંકી ગયું છે. ટ્રમ્પની જાહેરાત પછી, મેક્સિકોએ તેના લોકો માટે એક વિશાળ તંબુ બનાવવાનું શરૂ કર્યું છે. એક અહેવાલ મુજબ, અમેરિકામાં 50 લાખ મેક્સિકન લોકો દસ્તાવેજો વિના જીવી રહ્યા છે.
અમેરિકામાં સત્તા સંભાળ્યા પછી ડોનાલ્ડ ટ્રમ્પે ગેરકાયદેસર ઇમિગ્રેશન સામે કડક પગલાં લેવાના શરુ કર્યા છે. તેમણે ગેરકાયદેસર ઇમિગ્રેશનને રાષ્ટ્રીય કટોકટી પણ ગણાવી છે. અમેરિકામાં રહેતા લોકોમાં સૌથી વધુ સંખ્યા મેક્સિકન લોકોની છે, તેથી જ ટ્રમ્પે તેમની સામે કાર્યવાહી કરવાનો નિર્ણય લીધો છે. એક તરફ ટ્રમ્પ મેક્સીકન લોકોને દેશમાંથી હાંકી કાઢવાની તૈયારી કરી રહ્યા છે, તો બીજી તરફ મેક્સિકોએ પણ પોતાના લોકો માટે તૈયારીઓ શરૂ કરી દીધી છે
યુએસ પ્રમુખ ડોનાલ્ડ ટ્રમ્પ દ્વારા સામૂહિક દેશનિકાલના વચન હેઠળ અમેરિકામાંથી મેક્સીકન લોકોને દેશનિકાલ કરવાની તૈયારીઓ શરૂ કરી દીધી છે. આ માટે દેશના સિઉદાદ જુઆરેઝ શહેરમાં મોટા તંબુઓનું બાંધકામ શરૂ કરવામાં આવ્યું છે.
લોકો માટે કઈ વ્યવસ્થા કરવામાં આવશે?
સિઉદાદ જુઆરેઝ શહેરમાં સ્થાપિત કરવામાં આવી રહેલા તંબુઓ મેક્સીકન સરકારની ઉત્તર મેક્સિકોના નવ શહેરોમાં આશ્રયસ્થાનો અને સ્વાગત કેન્દ્રો બનાવવાની યોજનાનો એક ભાગ છે. અધિકારીઓએ જણાવ્યું હતું કે, તંબુઓ દેશનિકાલ કરાયેલા મેક્સિકન લોકોને ખોરાક, કામચલાઉ રહેઠાણ અને તબીબી સંભાળ પૂરી પાડશે. આ સાથે, તેમને ઓળખ પ્રમાણપત્ર મેળવવામાં પણ સહાય આપવામાં આવશે. આ સાથે, સરકારે એક બસ સેવા પણ શરૂ કરી દીધી છે, જેની મદદથી લોકોને તંબુઓમાંથી તેમના વતન સુધી પહોંચાડવામાં આવશે.
રાષ્ટ્રપતિ ટ્રમ્પે શું જાહેરાત કરી?
ડોનાલ્ડ ટ્રમ્પે અમેરિકાના ઇતિહાસમાં સૌથી મોટા દેશનિકાલનું વચન આપ્યું છે, જેનાથી લાખો ઇમિગ્રન્ટ્સને દેશમાંથી બહાર કાઢવામાં આવશે. જોકે, આટલા મોટા પાયે કામગીરી કરવામાં ઘણા વર્ષો લાગશે. આ માટે, જ્યાં ટ્રમ્પે દસ્તાવેજો વિના દેશમાં રહેતા લોકો સામે કાર્યવાહી કરવાનો નિર્ણય લીધો છે
અમેરિકામાં કેટલા ગેરકાયદેસર મેક્સીકન ઇમિગ્રન્ટ્સ છે?
અમેરિકામાં દસ્તાવેજો વિના રહેતા ઘણા લોકો મધ્ય અને દક્ષિણ મેક્સિકોના એવા ભાગોમાંથી આવે છે જે હિંસા અને ગરીબીથી પીડાય છે. COLEF મુજબ, યુ.એસ.માં ગેરકાયદેસર રીતે રહેતા આશરે 800,000 મેક્સિકન લોકોમાંથી મોટાભાગના મિચોઆકન, ગુરેરો અને ચિયાપાસ શહેરોમાંથી છે. ગુરુવારે સાંજે સિઉદાદ જુઆરેઝ શહેરમાં, લગભગ બે ડઝન સૈનિકોએ એક ઊંચા કાળા ક્રોસ પાસે તંબુ ગોઠવવાનું કામ કર્યું.
ડોનાલ્ડ ટ્રમ્પ એક્શન મૂડમાં
અમેરિકામાં સત્તામાં આવ્યા ત્યારથી, ડોનાલ્ડ ટ્રમ્પ એક્શન મૂડમાં હોય તેવું લાગી રહ્યુ છે. પોતાના કાર્યકાળના પહેલા જ દિવસે, ટ્રમ્પે ગેરકાયદેસર ઇમિગ્રેશનને રાષ્ટ્રીય કટોકટી જાહેર કરી અને તેનો સામનો કરવા માટે અનેક પગલાં પણ લીધાં. રાષ્ટ્રપતિ ડોનાલ્ડ ટ્રમ્પના આદેશ બાદ, યુએસ અધિકારીઓએ બુધવારે જણાવ્યું હતું કે યુએસ સૈન્ય મેક્સિકોની સરહદ પર લગભગ 1,500 વધારાના સક્રિય-ડ્યુટી સૈનિકો મોકલવાની તૈયારી કરી રહ્યું છે.
