- WPL 2024 ની ચોથી મેચ દિલ્હી કેપિટલ્સ અને UP વોરિયર્સ રમાઇ રહી છે
- દિલ્હી કેપિટલ્સની ટીમે ટોસ જીતીને પ્રથમ બોલિંગ કરવાનો નિર્ણય લીધો
- આ સિઝનમાં પ્રથમ વખત એકબીજા સામે ટકરાશે બન્ને ટીમ
WPL 2024 ની ચોથી મેચ દિલ્હી કેપિટલ્સ અને UP વોરિયર્સ વચ્ચે બેંગલુરુના એમ. ચિન્નાસ્વામી સ્ટેડિયમમાં રમાશે. બંને ટીમોને પ્રથમ મેચમાં હારનો સામનો કરવો પડ્યો હતો. આ સિઝનની પ્રથમ મેચ રમનાર મેગ લેનિંગની કપ્તાનીવાળી દિલ્હી કેપિટલ્સ મુંબઈ ઈન્ડિયન્સ સામે હારી ગઈ હતી. એલિસા હેઇલીની કપ્તાનીવાળી યુપી વોરિયર્સ પણ રોમાંચક મેચમાં રોયલ ચેલેન્જર્સ બેંગ્લોર સામે 2 રને પરાજય પામી હતી. હવે આ મેચ જીતવી બંને ટીમો માટે ખૂબ જ મહત્વપૂર્ણ માનવામાં આવે છે. આ મેચમાં દિલ્હી કેપિટલ્સની ટીમે ટોસ જીતીને પ્રથમ બોલિંગ કરવાનો નિર્ણય લીધો છે.
દિલ્હી કેપિટલ્સ અને યુપી વોરિયર્સના હેડ ટુ હેડ રેકોર્ડ
દિલ્હી કેપિટલ્સ અને યુપી વોરિયર્સ આ સિઝનમાં પ્રથમ વખત એકબીજા સામે ટકરાશે. આ પહેલા આ બંને ટીમો બે વખત સામસામે આવી ચુકી છે. જેમાં દિલ્હી કેપિટલ્સનો બંને મેચમાં વિજય થયો હતો. આજની મેચમાં, યુપી વોરિયર્સ દિલ્હી કેપિટલ્સ સામે તેમની પ્રથમ જીતની સાથે સાથે આ સિઝનની તેમની પ્રથમ જીતની આશા રાખશે. આ સિઝનની પ્રથમ મેચમાં બંને ટીમોને હારનો સામનો કરવો પડ્યો હતો. પ્રથમ મેચમાં દિલ્હીને છેલ્લા બોલ પર સિક્સર ફટકારીને મુંબઈ ઈન્ડિયન્સે 4 વિકેટે પરાજય આપ્યો હતો. તે જ સમયે, યુપી વોરિયર્સને પણ છેલ્લા બોલ પર જ રોયલ ચેલેન્જર્સ બેંગ્લોર દ્વારા 2 રને પરાજય આપ્યો હતો.
બેટ્સમેનો પાસેથી રનની અપેક્ષા
દિલ્હી કેપિટલ્સ અને યુપી વોરિયર્સની બંને ટીમોની બેટિંગ લાઈન ઘણી મજબૂત દેખાઈ રહી છે. પ્રથમ મેચમાં દિલ્હી કેપિટલ્સની એલિસ કેપ્સીએ 53 બોલમાં 75 રનની શાનદાર ઇનિંગ રમી હતી. જેમિમાહ રોડ્રિગ્સે પણ 24 બોલમાં 42 રન બનાવ્યા હતા. જ્યારે યુપી વોરિયર્સ માટે પ્રથમ મેચમાં ગ્રેસ હેરિસે 23 બોલમાં 38 રન અને શ્વેતા સેહરાવતે પણ 25 બોલમાં 31 રન બનાવ્યા હતા. ફરી એકવાર આ ખેલાડીઓ પાસે બેટ સાથે શાનદાર ઇનિંગ્સની અપેક્ષા રાખવામાં આવશે.
દિલ્હી કેપિટલ્સની પ્લેઇંગ 11: મેગ લેનિંગ (c), શેફાલી વર્મા, એલિસ કેપ્સી, જેમિમાહ રોડ્રિગ્સ, મેરિઝાન કેપ, એનાબેલ સધરલેન્ડ, અરુંધતી રેડ્ડી, મિન્નુ મણિ, તાનિયા ભાટિયા (wk), રાધા યાદવ, શિખા પાંડે.
યુપી વોરિયર્સની પ્લેઇંગ 11: એલિસા હેઇલી (c/wk), વૃંદા દિનેશ, તાહલિયા મેકગ્રા, ગ્રેસ હેરિસ, શ્વેતા સેહરાવત, કિરણ નવગીરે, પૂનમ ખેમનાર, દીપ્તિ શર્મા, સોફી એક્લેસ્ટોન, રાજેશ્વરી ગાયકવાડ, ગૌહર સુલતાના.
