ટેસ્ટ ક્રિકેટનો વર્લ્ડકપ કહેવાતો વર્લ્ડ ટેસ્ટ ચેમ્પિયનની ફાઈનલ મેચ 11 જૂનથી શરુ થઈ ગયો છે. આ વખતે ઓસ્ટ્રેલિયા અને સાઉથ આફ્રિકાની ટીમ આમને સામને છે. ટોસમાં સાઉથ આફ્રિકાના કેપ્ટને ટેમ્બા બાવુમાએ જીત મેળવી છે અને પહેલા બોલિંગ કરવાનો નિર્ણય લીધો છે. ઓસ્ટ્રેલિયાની ટીમ પહેલા બેટિંગ કરી રહી છે. આ મેચમાં સ્ટીવ સ્મિથે રિકી પોન્ટિંગની બરાબરી કરી લીધી છે.
સ્ટીવ સ્મિથે રિકી પોન્ટિંગના રેકોર્ડની કરી બરાબરી
ઓસ્ટ્રેલિયાના શાનદાર બેટ્સમેન સ્ટીવ સ્મિથે પોતાના દેશના ભૂતપૂર્વ કેપ્ટન રિકી પોન્ટિંગના રેકોર્ડની બરાબરી કરી છે. રિકી પોન્ટિંગે પોતાના કરિયરમાં 6 ICC ફાઈનલ રમી હતી. હવે સ્ટીવ સ્મિથે પણ એટલી જ ફાઈનલ રમી છે. આ લિસ્ટમાં સ્ટીવ સ્મિથની સાથે શ્રીલંકાના કુમાર સંગાકારા અને મહેલા જયવર્ધનેના નામ પણ છે, જેમને પોતાના કરિયરમાં 6-6 ICC ફાઈનલમાં ભાગ લીધો છે.
સૌથી વધુ ICC ફાઈનલ રમનારા ભારતીય ખેલાડીઓ
જો આપણે સૌથી વધુ ICC ફાઈનલ રમનારા ખેલાડીઓની વાત કરીએ, તો આ મામલે ભારતના વિરાટ કોહલી અને રોહિત શર્મા સૌથી આગળ છે. આ બંને ખેલાડીઓ અત્યાર સુધીમાં 9 ICC ફાઈનલ રમી ચૂક્યા છે.
ત્યારબાદ રવિન્દ્ર જાડેજાનો નંબર આવે છે, જેને 8 ફાઈનલ રમી છે. જ્યારે ભારતના ભૂતપૂર્વ સ્ટાર યુવરાજ સિંહે 7 ICC ફાઈનલ રમવાની સિદ્ધિ હાંસલ કરી છે. એટલે કે ICC ટુર્નામેન્ટની ફાઈનલ મેચોમાં ભારતીય ખેલાડીઓ હંમેશા મજબૂત હાજરી ધરાવતા રહ્યા છે, અને હવે ઓસ્ટ્રેલિયાના સ્ટીવ સ્મિથનું નામ પણ આ ખાસ રેકોર્ડમાં જોડાયું છે.
ફાઈનલ માટે ઓસ્ટ્રેલિયાની પ્લેઈંગ ઈલેવન
ઉસ્માન ખ્વાજા, માર્નસ લાબુસેન, કેમરૂન ગ્રીન, સ્ટીવ સ્મિથ, ટ્રેવિસ હેડ, બ્યૂ વેબસ્ટર, એલેક્સ કૈરી (વિકેટકીપર), પેટ કમિન્સ (કેપ્ટન), મિચેલ સ્ટાર્ક, નાથન લાયન, જોશ હેઝલવુડ.
ફાઈનલ માટે સાઉથ આફ્રિકાની પ્લેઈંગ ઈલેવન
ટેમ્બા બાવુમા, એડન માર્કરામ, રિયાન રિકલ્ટન, વિયાન મુલ્ડર, ટ્રિસ્ટન સ્ટબ્સ, ડેવિડ બેડિંઘમ, કાયલ વેરેલ, માર્કો યાન્સેન, કેશવ મહારાજ, કગિસો રબાડા, લુંગી એનગિડી
