વર્લ્ડ ટેસ્ટ ચેમ્પિયનશિપની ફાઈનલ મેચની શરુઆત જ સાઉથ આફ્રિકાએ ધમાકેદાર અંદાજમાં કરી છે. ટોસ જીતીને પહેલા બોલિંગ કરવા ઉતરેલી સાઉથ આફ્રિકાની ટીમે ઓસ્ટ્રેલિયાને બે મોટા ઝટકા આપ્યા છે.
પહેલી 10 ઓવરની અંદર જ કાગિસો રબાડોનો ફુલ સ્વેગ જોવા મળ્યો. કગિસો રબાડાએ ઓસ્ટ્રેલિયાના ઓપનર ઉસ્માન ખ્વાજાને ક્રિઝ પર સેટ થવાની તક પણ ના આપી. WTC ફાઈનલમાં ઉસ્માન ખ્વાજા એક રન પણ ના બનાવી શક્યો અને 20 બોલ રમ્યા પછી પણ ખાતું ખોલ્યા વગર પેવેલિયન પરત ફર્યો. લાંબા સમય બાદ મેદાન પર પરત આવેલો કેમરૂન ગ્રીને પણ બેટિંગમાં ફેન્સને નિરાશ કર્યા અને માત્ર 4 જ રન બનાવીને આઉટ થયો.
કાગિસો રબાડાએ મચાવી ધૂમ
વર્લ્ડ ટેસ્ટ ચેમ્પિયનશિપની ફાઈનલ મેચમાં ટોસનો સિક્કો સાઉથ આફ્રિકાના પક્ષમાં ઉછળ્યો અને ટેમ્બા બાવુમાએ બોલિંગ કરવાનો નિર્ણય લીધો. કાગિસો રબાડા અને માર્કો યાન્સેને શરુઆતની ત્રણ ઓવરમાં શાનદાર બોલિંગ કરી અને પહેલી ત્રણ ઓવરમાં ઉસ્માન ખ્વાજા અને માર્નસ લાબુસેન એક રન પણ બનાવી શક્યા નહીં. કાગિસો રબાડા અને માર્કો યાન્સેને જે રીતે બોલિંગ કરીને બેટ્સમેનને હેરાન કર્યો તેમાં બંને ખરાબ રીતે ફસાયા.
કાગિસો રબાડાની સાતમી ઓવરનો ત્રીજો બોલ હવામાં લહેરાતો બહારની તરફ ગયો અને ઉસ્માન ખ્વાજાના બેટની કિનારી પર અડીને ગયો. સ્લિપમાં ઉભો રહેલો ડેવિડ બેડિંઘમે તેનો કેચ પકડવામાં કોઈ ભૂલ કરી નથી. ઉસ્માન ખ્વાજા ખાતું ખોલ્યા વગર પેવેલિયન પરત ફર્યો. ત્યારબાદ રબાડાએ તે જ ઓવરમાં કેમરૂન ગ્રીનને પણ આઉટ કર્યો. ઓવરના છેલ્લા બોલ પર ગ્રીન ના બેટની અંદરની ધારથી વાગીને એડન માર્કરામના હાથમાં ગયો. ગ્રીન ફક્ત 4 રન બનાવીને આઉટ થયો.
ટેમ્બા બાવુમાનો ટેસ્ટ કેપ્ટનશિપમાં શાનદાર છે રેકોર્ડ
સાઉથ આફ્રિકાના કેપ્ટન ટેમ્બા બાવુમાનો રેકોર્ડ ટેસ્ટ ક્રિકેટમાં શાનદાર રહ્યો છે. ટેમ્બા બાવુમાની કેપ્ટનશિપમાં પ્રોટીઝ ટીમે આજ સુધી એક પણ ટેસ્ટ મેચમાં હારનો સામનો કર્યો નથી. ટેમ્બા બાવુમાએ અત્યાર સુધીમાં કુલ 9 મેચમાં કેપ્ટનશીપ કરી છે, જેમાંથી ટીમે 8 જીતી છે અને એક મેચ ડ્રો રહી હતી. હવે એ જોવું રસપ્રદ રહેશે કે ટેમ્બા બાવુમા WTC ફાઈનલમાં આ રેકોર્ડ જાળવી શકશે કે નહીં.
