સાઉથ આફ્રિકાએ વર્લ્ડ ટેસ્ટ ચેમ્પિયનશિપ 2025ની ફાઈનલ મેચ માટે પોતાની પ્લેઈંગ ઈલેવનની જાહેરાત કરી છે. ટીમમાં ટ્રિસ્ટન સ્ટબ્સ અને વિયાન મુલ્ડરને ફાઈનલ માટે પ્લેઈંગ ઈલેવનમાં જગ્યા મળી છે.
રિયાન રિકલ્ટન પણ ટાઈટલ મેચમાં પોતાની જગ્યા બનાવવામાં સફળ રહ્યો છે. કાગિસો રબાડા અને લુંગી એનગિડીને ઝડપી બોલિંગની કમાન સોંપવામાં આવી છે. માર્કો યાન્સેન પણ તેમની સાથે જ જોવા મળશે. સ્પિન વિભાગની જવાબદારી કેશવ મહારાજને સોંપવામાં આવી છે.
સાઉથ આફ્રિકાએ કરી પ્લેઈંગ 11ની જાહેરાત
સાઉથ આફ્રિકાએ ઓસ્ટ્રેલિયા સામે રમનારી WTC ફાઈનલ મેચ માટે પોતાની પ્લેઈંગ 11ની જાહેરાત કરી છે. ઓપનિંગ કરવાની જવાબદારી ટેમ્બા બવુમા અને એડન માર્કરમ પર રહેશે. ત્યારે વિકેટકીપર તરીકે રિયાન રિકલ્ટનની પસંદગી કરવામાં આવી છે. મિડલ ઓર્ડરમાં વિયાન મુલ્ડર, ટ્રિસ્ટન સ્ટબ્સ અને ડેવિડ બેડિંઘમને જગ્યા મળી છે. કાઈલ વેરેને બીજા વિકેટકીપર તરીકે ટીમમાં સામેલ કરવામાં આવ્યો છે.
ત્રણ ઝડપી બોલરને મળી જગ્યા
સાઉથ આફ્રિકાએ WTC ફાઈનલમાં ત્રણ ઝડપી બોલરોને પ્લેઈંગ 11માં સામેલ થશે. કગિસો રબાડા ફાસ્ટ બોલિંગની કમાન સંભાળશે, જ્યારે તેનો સાથે માર્કો યાન્સેન અને લુંગી એનગિડી આપશે. યાન્સેન હાલમાં શાનદાર ફોર્મમાં રમી રહ્યો છે અને તે ઓસ્ટ્રેલિયા માટે મોટો ખતરો સાબિત થઈ શકે છે. સ્પિન વિભાગની જવાબદારી કેશવ મહારાજ સંભાળતો જોવા મળશે.
કોનું પલડું રહેશે ભારે?
ક્રિકેટના સૌથી લાંબા ફોર્મેટમાં ઓસ્ટ્રેલિયા અને સાઉથ આફ્રિકા વચ્ચે અત્યાર સુધી કુલ 101 મેચ રમાઈ છે. આ દરમિયાન 54માં જીત કાંગારૂ ટીમની થઈ છે. ત્યારે જ 26 મેચમાં સાઉથ આફ્રિકાની ટીમે બાજી મારી છે. એટલે કે ઓસ્ટ્રેલિયા ટીમનું સાઉથ આફ્રિકા સામે પલડું ભારે છે.
સાઉથ આફ્રિકાની પ્લેઈંગ ઈલેવન
ટેમ્બા બવુમા, એડન માર્કરામ, રિયાન રિકલ્ટન, વિયાન મુલ્ડર, ટ્રિસ્ટન સ્ટબ્સ, ડેવિડ બેડિંઘમ, કાયલ વેરેલ, માર્કો યાન્સેન, કેશવ મહારાજ, કગિસો રબાડા, લુંગી એનગિડી.
