11 જૂનથી વર્લ્ડ ટેસ્ટ ચેમ્પિયનશિપની ફાઈનલ મેચ ઓસ્ટ્રેલિયા અને દક્ષિણ આફ્રિકા વચ્ચે રમાશે. કાંગારૂ ટીમ પોતાના ટાઈટલનું રક્ષણ કરવાના ઈરાદા સાથે મેદાનમાં ઉતરશે.
દક્ષિણ આફ્રિકાની ટીમ પહેલીવાર આ ટ્રોફી જીતવા માગશે. WTCની આ સાઈકલમાં બંને ટીમોએ જબરદસ્ત પ્રદર્શન કર્યું છે. ઓસ્ટ્રેલિયા અને દક્ષિણ આફ્રિકા પાસે મજબૂત ઝડપી બોલરોની સેના છે, જ્યારે ટીમના બેટ્સમેન પણ સારા ફોર્મમાં છે.
કેવું રહેશે ફાઈનલ મેચમાં હવામાન?
વર્લ્ડ ટેસ્ટ ચેમ્પિયનશિપની ફાઈનલ મેચ ઈંગ્લેન્ડના ઐતિહાસિક લોર્ડ્સ મેદાનમાં રમાશે. ટેસ્ટના પહેલા દિવસે વરસાદની સંભાવના નહિવત્ છે. પરંતુ બીજા દિવસે વાદળછાયું વાતાવરણ રહેવાની સંભાવના છે. ક્રિકેટ ફેન્સ માટે સારી વાત એ છે કે વરસાદના ચાન્સ માત્ર 10 ટકા છે. એટલે કે રમત કોઈ પણ વિક્ષેપ વિના બીજા દિવસે પણ ચાલતી રહેશે. WTC ફાઈનલના ત્રીજા દિવસે 25 ટકા વરસાદ થવાની સંભાવના છે.
ચોથા દિવસે પણ હવામાન રમતના પક્ષમાં જ રહેશે અને વરસાદની સંભાવના નહિવત્ છે. ટેસ્ટના પાંચમા દિવસે વાદળ રહેશે અને વરસાદની સંભાવના 16 ટકા છે. WTCની ફાઈનલ મેચમાં પાંચ દિવસ હવામાન એકદંરે ક્લિયર રહેશે અને ફેન્સને ટાઈટલ મેચ માટે જોરદાર ટક્કર જોવા મળશે.
કોનું પલડું રહેશે ભારે?
ક્રિકેટના સૌથી લાંબા ફોર્મેટમાં ઓસ્ટ્રેલિયા અને સાઉથ આફ્રિકા વચ્ચે અત્યાર સુધી કુલ 101 મેચ રમાઈ છે. આ દરમિયાન 54માં જીત કાંગારૂ ટીમની થઈ છે. ત્યારે જ 26 મેચમાં સાઉથ આફ્રિકાની ટીમે બાજી મારી છે. એટલે કે ઓસ્ટ્રેલિયા ટીમનું સાઉથ આફ્રિકા સામે પલડું ભારે છે.
