ભારત અને ઓસ્ટ્રેલિયા ઉપરાંત પાકિસ્તાન અને દક્ષિણ આફ્રિકા પણ 26 ડિસેમ્બરે ટેસ્ટ મેચ રમશે. આ બંને મેચના પરિણામો વર્લ્ડ ટેસ્ટ ચેમ્પિયનશિપ (WTC) 2023-25ના પોઈન્ટ ટેબલમાં મોટો ફેરફાર લાવી શકે છે. આનાથી જૂન 2025માં યોજાનારી WTC ફાઈનલની તસવીર વધુ સ્પષ્ટ થશે. 26 ડિસેમ્બરથી શરૂ થનારી ભારત અને ઓસ્ટ્રેલિયા વચ્ચેની મેચ WTC ફાઇનલમાં રહેવા માટે બંને ટીમો માટે જંગ છે જ્યારે WTC ફાઇનલની દ્રષ્ટિએ પાકિસ્તાન અને દક્ષિણ આફ્રિકા વચ્ચેની મેચ દક્ષિણ આફ્રિકા માટે ખાસ સાબિત થશે.
રસપ્રદ બની ફાઈનલની રેસ
પાકિસ્તાન WTC ફાઈનલ 2025ની રેસમાંથી પહેલા જ બહાર થઈ ગયું છે. જ્યારે દક્ષિણ આફ્રિકા, ઓસ્ટ્રેલિયા અને ભારત આવતા વર્ષે યોજાનારી WTC ફાઈનલની રેસમાં છે. પરંતુ ત્રણેય ટીમોએ તેમની આગામી મેચમાં જીત મેળવવી જરૂરી છે. જો ભારત મેલબોર્નમાં રમાયેલી મેચ જીતી જાય અને સેન્ચુરિયનમાં પાકિસ્તાન સામે દક્ષિણ આફ્રિકા જીતે તો પોઈન્ટ ટેબલમાં શું ફેરફાર થઈ શકે છે. જો આમ થશે તો ભારત-દક્ષિણ આફ્રિકા WTC ફાઈનલ રમવા તરફ વધુ એક પગલું ભરશે.
ભારત-દક્ષિણ આફ્રિકા જીતે તો WTC પોઈન્ટ ટેબલ
દક્ષિણ આફ્રિકા હાલમાં WTC પોઈન્ટ ટેબલમાં 63.33 ટકા પોઈન્ટ સાથે નંબર 1 પર છે. સેન્ચુરિયનમાં જીત બાદ તે ટોપ પર રહેશે અને 66.67 પોઈન્ટનો સ્કોર કરશે. જ્યારે ભારત જો મેલબોર્ન ટેસ્ટ જીતે છે તો તેને 58.33 ટકા પોઈન્ટ મળશે અને તે બીજા નંબર પર આવશે. હાલમાં ટીમ ઈન્ડિયા 55.88 પોઈન્ટ સાથે ત્રીજા સ્થાન પર છે. બીજા નંબર પર રહેલી ઓસ્ટ્રેલિયાના હાલમાં 58.89 પોઈન્ટ છે. પરંતુ જો ભારત મેલબોર્નમાં હારશે તો તેને 55.21 ટકા માર્ક્સ મળશે અને તે ત્રીજા સ્થાને આવશે.
WTC ફાઈનલ માટે ભારતનું સમીકરણ
જો ભારત મેલબોર્ન ટેસ્ટ નહીં જીતે તો તેને મોટો આંચકો લાગશે. ત્યારે આ સ્થિતિમાં ઓસ્ટ્રેલિયા બીજા નંબર પર વધુ મજબૂત બનશે. જ્યારે ભારત પણ ત્રીજા સ્થાને રહેશે પરંતુ તેના પોઈન્ટ વધીને 52.78 થઈ જશે. જો દક્ષિણ આફ્રિકા બોક્સિંગ ડે ટેસ્ટમાં હારી જશે તો તે બીજા સ્થાને સરકી જશે. ટીમ ઈન્ડિયા નંબર વન પર પહોંચી જશે. આ સિવાય જો પાકિસ્તાન-દક્ષિણ આફ્રિકા અને ભારત-ઓસ્ટ્રેલિયાની બંને મેચ ડ્રો રહી તો ટીમ ઈન્ડિયા 54.78 ટકા પોઈન્ટ સાથે ત્રીજા નંબર પર રહેશે.
