આજે સાઉથ આફ્રિકા અને ભારત વચ્ચે ચંડીગઢમાં બીજી T20 મેચ રમાશે.નોંધનીય છે કે કટકમાં રમાયેલી પ્રથમ T20 મેચમાં ભારતનો 101 રનની વિજય થયો હતો.બંને ટીમો ચંડીગઢના મુલ્લાનપુરમાં મહારાજા યાદવેન્દ્ર સિંહ આંતરરાષ્ટ્રીય ક્રિકેટ સ્ટેડિયમ ખાતે ટકરાશે.ભારત જીત સાથે સીરિઝમાં 2-0ની લીડ મેળવવાનો પ્રયાસ કરશે,જ્યારે એડન માર્કરામની ટીમ વાપસી કરવાનો પ્રયાસ કરશે.
ભારતની તૈયારીઓ
ભારતીય ટીમનું સંયોજન હાલમાં સંતુલિત દેખાય છે.અભિષેક શર્માની આક્રમક શરૂઆત અને સારી બોલિંગે ટીમનો આત્મવિશ્વાસ વધાર્યો છે.જોકે,કેપ્ટન સૂર્યકુમાર યાદવ અને વાઈસ કેપ્ટન શુભમન ગિલનું ફોર્મ ચિંતાનો વિષય છે.બંને પ્રથમ મેચમાં વહેલા આઉટ થઈ ગયા હતા,તેથી આ વખતે તેમની પાસેથી મોટી ઇનિંગ્સની અપેક્ષા રાખવામાં આવશે. બોલિંગમાં વરુણ ચક્રવર્તી અને અક્ષર પટેલની ભારતની સ્પિન જોડીએ દક્ષિણ આફ્રિકાને દબાણમાં રાખ્યું.જસપ્રીત બુમરાહની લય અને અર્શદીપ સિંહનો સ્વિંગ પણ ટીમ માટે મુખ્ય તાકાત છે.
દક્ષિણ આફ્રિકાના પડકારો
પહેલી મેચમાં દક્ષિણ આફ્રિકાની બેટિંગ સંપૂર્ણપણે નિષ્ફળ ગઈ હતી. ટીમ તેના બોલિંગ આક્રમણ કરતાં તેના બેટ્સમેનોના ફોર્મથી વધુ ચિંતિત છે. માર્કરામ, મિલર અને બ્રેવિસ જેવા ખેલાડીઓ આ વખતે જવાબદારીપૂર્વક રમવાનો પ્રયાસ કરશે. ટીમ તરફથી કોઈ મોટા ફેરફારોની અપેક્ષા નથી, પરંતુ બેટિંગ ક્રમમાં ફેરફારની શક્યતા નકારી શકાય નહીં.
સંભવિત પ્લેઈંગ-11
ટીમ ઈન્ડિયા : અભિષેક શર્મા, શુભમન ગિલ, સૂર્યકુમાર યાદવ (C), તિલક વર્મા, હાર્દિક પંડ્યા, શિવમ દુબે, જીતેશ શર્મા (WK), અક્ષર પટેલ, જસપ્રિત બુમરાહ, વરુણ ચક્રવર્તી, અર્શદીપ સિંહ
આફ્રિકાની સંભવિત પ્લેઈંગ ઈલેવન: ક્વિન્ટન ડી કોક (વિકેટકીપર), રીઝા હેન્ડ્રીક્સ, એઈડન માર્કરામ (કેપ્ટન), ડેવોલ્ડ બ્રુઇસ, ડોનોવન ફરેરા, ડેવિડ મિલર, માર્કો જેન્સન, કોર્બીન બોશ, લુંગી એનગીડી, એનરિક નોર્કિયા, કેશવ મહારાજ.
