- 26 માર્ચ સુધી ભરી શકાશે ઓનલાઇન ફોર્મ
- અમદાવાદમાં 8010 વિધાર્થીઓને ફાળવાશે પ્રવેશ
- ખોટી એફિડેવીટ રજૂ કરનાર સામે થશે કાર્યવાહી
RTE હેઠળ પ્રવેશ પ્રક્રિયાનો આજથી પ્રારંભ થયો છે. જેમાં 26 માર્ચ સુધી ઓનલાઇન ફોર્મ ભરી શકાશે. અમદાવાદની 1352 શાળાઓમાં પ્રવેશ મળશે. અમદાવાદમાં 8010 વિધાર્થીઓને પ્રવેશ ફાળવાશે. ખોટી એફિડેવીટ રજૂ કરનાર સામે કાર્યવાહી થશે.
ખોટા ડોક્યુમેન્ટ રજૂ કરનાર કાર્યવાહી સામે થશે
ખોટા ડોક્યુમેન્ટ રજૂ કરનાર કાર્યવાહી સામે થશે. તેમજ ઇન્કમ ટેક્સ રિટર્ન ભરનારે માહિતી આપવી પડશે. તથા ભૂલથી અધૂરા ફોર્મ ભરનારને પણ તક અપાશે. જેમાં 1-3 એપ્રિલ સુધી વાલીઓને તક અપાશે. 6 એપ્રિલ પ્રથમ રાઉન્ડનું પરિણામ જાહેર થશે. RTE (Right to Education) હેઠળ શાળા પ્રવેશ મેળવવા મામલે મોટા સમાચાર સામે આવ્યા છે. ગુજરાત સરકાર 2024-25 માટે RTE અંતર્ગત પ્રવેશ પ્રકિયાની જાહેરાત કરી દેવામાં આવી છે. પહેલી જૂન 2024ના રોજ છ વર્ષ પુરા થયેલા હશે તેવા જ બાળકોને ધોરણ-1માં પ્રવેશ આપવામાં આવશે. શિક્ષણ વિભાગ દ્વારા આપવામાં આવેલ જાણકારી અનુસાર રાઈટ ટુ એજુકેશન પ્રવેશ પ્રક્રિયા અંતર્ગત 14 માર્ચથી 26 માર્ચ સુધી ઓનલાઈન ફોર્મ ભરી શકાશે.
6 થી 14 વર્ષની વયના બાળકોને મફત શિક્ષણ
શિક્ષણનો અધિકાર કાયદો 2009 (RTE) દેશમાં બાળકોને મફત અને ફરજિયાત શિક્ષણ આપવા માટે લાવવામાં આવ્યો હતો. તે 6 થી 14 વર્ષની વયના બાળકોને મફત શિક્ષણની ખાતરી આપે છે. આ અધિનિયમના આ અમલથી ભારત વિશ્વના 135 દેશોમાંનો એક એવો દેશ બન્યો કે જ્યાં શિક્ષણનો મૂળભૂત અધિકાર છે. જો કે આ પછી પણ આવી અનેક ખામીઓ અને પડકારો છે જેના કારણે દેશના હજારો બાળકો ફરજિયાત શિક્ષણથી વંચિત રહે છે.
