- અમેરિકામાં ગરમીના કારણે લોકોની હાલત ખરાબ
- ભૂતપૂર્વ રાષ્ટ્રપતિ અબ્રાહમ લિંકનનું મીણનું સ્ટેચ્યૂ પીગળ્યું
- અબ્રાહમ લિંકન અમેરિકાના 16મા રાષ્ટ્રપતિ હતા
વોશિંગ્ટન સહિત સમગ્ર અમેરિકામાં ગરમીના કારણે લોકોની હાલત ખરાબ છે. હવે જોરદાર સૂર્યપ્રકાશને કારણે, વોશિંગ્ટનની એક શાળાની બહાર સ્થાપિત ભૂતપૂર્વ રાષ્ટ્રપતિ અબ્રાહમ લિંકનનું મીણનું સ્ટેચ્યૂ પીગળી ગયું અને તેના ભાગો અલગ થઈ ગયા.
અમેરિકામાં ગરમીના કારણે લોકોની હાલત ખરાબ થઈ છે. સૂર્યપ્રકાશને કારણે એક વિચિત્ર ઘટના સામે આવી છે. વધારે ગરમીને કારણે વોશિંગ્ટનમાં અમેરિકાના પૂર્વ રાષ્ટ્રપતિ અબ્રાહમ લિંકનની છ ફૂટ ઊંચું મીણનું સ્ટેચ્યૂ ઓગળવા લાગ્યું. થોડી જ વારમાં સ્ટેચ્યૂનું માથું પીગળીને અલગ પડી ગયું. લિંકન મેમોરિયલની તર્જ પર બનેલા આ સ્ટેચ્યૂનું માથું પીગળી ગયું હતું અને પગને પણ ધડથી અલગ થઈ ગયો. બીજો પગ પણ સોમવાર સુધીમાં ઓગળી ગયો.
સ્ટેચ્યૂને થયું ઘણું નુકસાન
સ્ટેચ્યૂને બનાવવાવાળા એમજીઓ કલ્ચરલડીસીએ કહ્યું કે, “અમારા સ્ટાફે જાણીજોઈને લિંકનનું માથું કાઢી નાખ્યું જેથી તેને પડવા અને તૂટવાથી બચી શકાય.” 3000 પાઉન્ડની મીણના સ્ટેચ્યૂને મીણબત્તીની જેમ સળગાવવાની છે, પરંતુ સમય સાથે તેમાં બદલાવ કરવામાં આવશે પરંતુ આ અતિશય ગરમી છે તેથી સ્ટેચ્યૂને ઘણું નુકસાન થયું છે.”
અમેરિકાના 16મા રાષ્ટ્રપતિ હતા અબ્રાહમ લિંકન
સંગઠને જણાવ્યું હતું કે લિંકનના સ્ટેચ્યૂમાં વપરાતા મીણનું ઠંડું બિંદુ – જ્યાં કોઈ પદાર્થ ઓગળવા લાગે છે – 140 ડિગ્રી ફેરનહીટ છે. “40 એકર: કેમ્પ બાર્કર” નામનું સ્ટેચ્યૂ સપ્ટેમ્બર સુધી શાળામાં રહેવાનું હતું. કલ્ચરલડીસીએ તેની પ્રેસ રિલીઝમાં જણાવ્યું હતું કે, “આ ઈન્સ્ટોલેશન ડીસીના સિવિલ વોર-યુગના રિફ્યૂઝી કેમ્પના ઈતિહાસ પર બનાવવામાં આવી છે, જે અગાઉ ગુલામ અને મુક્ત આફ્રિકન અમેરિકનોને રાખવામાં આવ્યા હતા. કેમ્પ બાર્કરની સ્થાપના તે સ્થળે કરવામાં આવી હતી, જ્યાં હવે ગેરિસન એલિમેન્ટ્રી છે.” અબ્રાહમ લિંકન અમેરિકાના 16મા રાષ્ટ્રપતિ હતા. અમેરિકામાં ગુલામીનો અંત લાવવાનો શ્રેય લિંકનને આપવામાં આવે છે. તેઓ 1861 થી 1865 સુધી રાષ્ટ્રપતિ હતા.
અમેરિકામાં ગરમીનો પ્રકોપ
અમેરિકાના ઘણા ભાગોમાં તાપમાન રેકોર્ડ તોડી રહ્યું છે. ઘણા ભાગોમાં તાપમાન 45 ડિગ્રીને પાર પણ પહોંચી ગયું છે. હવામાન વિભાગે મધ્ય અને પૂર્વીય વિસ્તારોમાં રહેતા લોકોને આ મહિનાની ગરમી માટે તૈયાર રહેવા ચેતવણી આપી છે અને સતર્ક રહેવા જણાવ્યું છે.
