- 36 વર્ષીય ભારતીય યુવક સંદીપ બેંગારા 90 લાખ ડોલરના સ્કેમમાં દોષિત
- અમેરિકામાં ડિવાઈસ રિપ્લેસમેન્ટના ક્લેમના આધારે કરોડોની ઠગાઈ આચરી હતી
- આગામી 10 ઑક્ટોબરે આરોપી સંદીપને કોર્ટ સજા ફટકારશે
એક ભારતીયને અમેરિકામાં 75 કરોડ રૂપિયાના કૌભાંડમાં દોષિત ઠેરવવામાં આવ્યો છે. શખ્સે બનાવટી આઈડીનો ઉપયોગ કરીને તમામ ફોન અને વીમા કંપની પાસેથી ડિવાઈસિસ રિપ્લેસમેન્ટ ક્લેક કર્યા પછી આ ડિવાઈસિસને અમેરિકા બહાર વેચી દેવામાં આવતું. આ આખા સ્કેમને આયોજનબદ્ધ રીતે આચરવામાં આવ્યું હતું.
અમેરિકામાં એક ભારતીય ટેલિફોન પ્રોવાઈડર અને વીમા કંપની સાથે છેતરપિંડીના કેસમાં દોષિત ઠેરવવામાં આવ્યો છે. આ શખ્સે લાખો ડોલરની ઠગાઈ આચરી હતી. 36 વર્ષીય સંદીપ બેંગારાએ નકલી આઈડીથી આ આખા કૌભાંડને આચર્યું હતું. સંદીપ બનાવટી ડોક્યુમેન્ટ સબમિટ કરી સેલ્યુલર ડિવાઈસિસ રિપ્લેસમેન્ટ કલેમ કરતા હતા. પછીથી તે આ ડિવાઈસિસને અમેરિકા બહાર જઈને વેચી મારતો હતો. આ અંગે ન્યૂજર્સ એટોર્ની કચેરી દ્વારા પ્રેસ રિલીઝમાં જાણકારી આપવામાં આવી. ન્યૂયોર્કનો રહેવાસી સંદીપને ફેડરલ કોર્ટે આ કેસમાં દોષિત ઠેરવ્યો છે.
આખું કૌભાંડ કંઈક આ રીતે રચ્યું
કોર્ટ ડોકયુમેન્ટમાં સંદીપ બેંગારાના ઘણા નામ સામે આવ્યા હતા. તેને વિશાલ રાવલ, વિહાન શેઠ તેમજ સાગર શર્મા નામનો પણ ઉપયોગ કર્યો છે. જૂન-2013થી જૂન-2019ની વચ્ચે સંદીપ બેંગારાએ આ આખું કૌભાંડ આચર્યું હતું. કોર્ટ ડોક્યુમેન્ટ પ્રમાણે સંદીપે યુએસ મેલ સિસ્ટમ અને થર્ડ પાર્ટી કેરિયરનો ઉપયોગ કરી સેલ્યુલર ફોન પ્રોવાઈડર અને વીમા કંપનીઓ સાથે છેતરપિંડી આચરી હતી.
સંદીપ બેંગારા પોતાના બે સાગરિતો સાથે મળીને ચોરીને અંજામ આપતા હતા. અથવા નકલી આઈડીનો ઉપયોગ કરતા હતા. આ આઈડેન્ટિટીનો ઉપયોગ કરી ખોવાયેલા, ચોરી થયેલા અને ડેમેજ થયેલા સેલફોન અથવા બીજા ડિવાઈસની રિપ્લેસમેન્ટ માટે નકલી ક્લેમ ફાઈલ કરતા હતા.
સંદીપ અને તેના સાગરિતોએ એક પૂરું નેટવર્ક તૈયાર કર્યું હતું. આ નેટવર્ક હેઠળ નકલી ડિવાઈસ રિપ્લેસમેન્ટનો દાવો કરવામાં આવતો હતો. આ ઉપરાંત કેટલાક મેલબોક્સ અને સ્ટોરેજ યુનિટ્સનું એક નેટવર્ક તૈયાર કરાયું હતું. આ સાઈટ્સ પર રિપ્લેસમેન્ટ ધરાવતા ડિવાઈસ વેચતા પહેલા રાખવામાં આવતા. બાદમાં આ ડિવાઈસને અમેરિકામાં બહાર વેચાણ કરી દેવામાં આવતું હતું.
કોર્ટમાં રહેલા ડોક્યુમેન્ટમાં ઉલ્લેખ છે તે પ્રમાણે ધનંજય પ્રતાપસિંહ અને પરાગ ભાવસાર પર આ કેસમાં આરોપ નથી લગાવ્યો. સંદીપે 90 લાખ ડોલર એટલે કે આશરે 750 કરોડ રૂપિયાના સેલ્યુલર ડિવાઈસેસનું ફ્રોડ કર્યું છે. જેને બાદમાં અમેરિકાની બહાર વેચી દીધા. મેલ ફ્રોડ કેસમાં સંદીપને 20 વર્ષની જેલ થઈ શકે છે.
આ ઉપરાંત તેની પર અઢી લાખ ડોલરનો દંડ ફટકારવામાં આવી શકે છે. ચોરીનો મુદ્દામાલ વેચવાના આરોપમાં તેને પાંચ વર્ષની વધુમાં વધુ જેલ અને અઢી લાખ ડોલરનો દંડ લાગી શકે છે. સંદીપ બેંગારાને સજા 10 ઓક્ટોબર 2024ના રોજ સંભળાવવામાં આવશે.
