ઇઝરાયલ અને ઇરાન બન્ને દેશએકબીજા પર મિસાઇલ હુમલાઓ કરી રહ્યા છે. અને મોટા ભાગના સ્થળો નાશ થયા છે. ત્યારે આવી ગંભીર સ્થિતિમાં અમેરીકાના રાષ્ટ્રપતિ ડૉનાલ્ડ ટ્રમ્પે શાંતિ વાર્તા માટે પ્રસ્તાવ મુક્યો છે. ઇરાયલ અને ઇરાનના એકબીજા પર મિસાઇલ હુમલાઓ યથાવત છે. તો રાષ્ટ્રપતિ ડૉનાલ્ડ ટ્રમ્પે અમેરિકા પર હુમલાઓ મામલે ચેતવણી આપી છે. તો સાથે જ તેઓએ ઇઝરાયલ અને ઇરાન સાથે શાંતિ વાર્તા મામલે પ્રસ્તાવ કર્યો છે.
ડૉનાલ્ડ ટ્રમ્પની ચેતવણી
ઇઝરાયલ અને ઇરાન વચ્ચે તણાવ સતત વધી રહ્યો છે. બન્ને દેશ એકબીજા પર હુમલાઓ કરી રહ્યા છે. આ વણસી રહેલી પરિસ્થિતિ વચ્ચે ડૉનાલ્ડ ટ્રમ્પનુ નિવેદન સામે આવ્યુ છે. જેમાં તેઓએ ઇરાનને ચેતવણી આપી છે. અમેરિકાએ જણાવ્યુ છે કે, જો ઇરાને તેમના પર હુમલો કર્યો તો તેઓને હમણા સુધીના સૌથી મોટા સૈન્ય પ્રહારનો સામનો કરવો પડશે. ટ્રમ્પે વધુમાં જણાવ્યુ હતુ કે, ઇરાન અને ઇઝરાયલ વચ્ચેના હુમલાઓમાં અમેરિકાની કોઇ ભૂમિકા નથી. તેઓ બન્ને દેશ વચ્ચે સમજૂતી કરાર કરાવી શકે છે.
ડૉનાલ્ડ ટ્રમ્પે શું કહ્યુ ?
ડૉનાલ્ડ ટ્રમ્પે સોશિયલ મીડિયા પ્લેટફોર્મ ‘ટ્રુથ સોશલ’ પર પોસ્ટ મુકી છે. તેમા તેઓએ લખ્યુ છે કે, અમેરિકાનો ઇરાન પર થયેલા હુમલા મામલે કોઇ સંબંધ નથી. અને જો અમારા પર કોઇપણ પ્રકારે હુમલો કરવામાં આવ્યો તો અમે છોડીશું નહી. સૌથી મોટો સૈન્ય હુમલો કરીશું. અમેરિકાની સેના તમારા પર તૂટી પડશે. અમેરિકાની પ્રતિક્રિયા એવા સમયે આવી છે જ્યારે ઇઝરાયલે દાવો કર્યો છે કે, તેઓએ તેહરાનમાં ઇરાની રક્ષા મંત્રાલયના મુખ્યાલય સહિત અનેક તેલના સ્થળો પર હુમલા કર્યા છે. અમેરિકા અને ઇરાન વચ્ચે ઓમાનમાં પરમાણુ વાર્તા થવાની હતી. પરંતુ ઇરાને તે રદ્દ કરી હતી.
