તેલંગાણાના ડીજીપીના જણાવ્યા અનુસાર, હુમલાખોર, નવીદ અકરમના પિતા, સાજિદ અકરમ, મૂળ હૈદરાબાદના રહેવાસી હતા.
આતંકવાદીઓનું ભારત કનેક્શન
14 ડિસેમ્બરે સિડનીના બોન્ડી બીચ પર હત્યાકાંડ કરનાર હુમલાખોરનું ભારતીય કનેક્શન ખુલ્યું છે. સિડનીમાં 16 નિર્દોષ લોકોની હત્યા કરનાર આ પિતા-પુત્રની જોડી ભારતના હૈદરાબાદ સાથે જોડાણ ધરાવે છે. તેલંગાણાના ડીજીપીએ આ માહિતી જાહેર કરી છે. ડીજીપી કહે છે કે સાજિદ અકરમ મૂળ હૈદરાબાદનો છે પરંતુ 27 વર્ષ પહેલાં ભારત છોડીને ગયો હતો. ડીજીપીએ જણાવ્યું હતું કે સાજિદે હૈદરાબાદથી બી.કોમ ડિગ્રી પૂર્ણ કરી હતી અને નોકરીની શોધમાં લગભગ 27 વર્ષ પહેલાં ઓસ્ટ્રેલિયા ગયો હતો.
સાજિદ અકરમ હજુ પણ ભારતીય પાસપોર્ટ ધરાવે છેઃ DGP
તેમણે જણાવ્યું કે સાજિદ અકરમ હજુ પણ ભારતીય પાસપોર્ટ ધરાવે છે, અને તેમના પુત્ર, નવીદ અકરમ અને પુત્રી ઓસ્ટ્રેલિયામાં જન્મ્યા હતા અને ઓસ્ટ્રેલિયન નાગરિક છે. DGPએ જણાવ્યું કે, ભારતમાં તેમના સંબંધીઓ પાસેથી મળેલી માહિતી અનુસાર, સાજિદ અકરમનો છેલ્લા 27 વર્ષમાં હૈદરાબાદમાં તેમના પરિવાર સાથે ખૂબ જ ઓછો સંપર્ક હતો. ઓસ્ટ્રેલિયા ગયા પછી તેઓ છ વખત ભારત ગયા હતા. તેમના પિતાના મૃત્યુ સમયે પણ તેઓ ભારત પાછા ફર્યા ન હતા. જોકે, પરિવારના સભ્યોએ તેમના કટ્ટરપંથી બનવા વિશે કોઈ માહિતી આપી ન હતી.
બોન્ડી બીચ પર થયેલા હુમલામાં 16ના મોત
સિડનીના બોન્ડી બીચ પર થયેલા આતંકવાદી હુમલામાં ૧૬ નિર્દોષ લોકો માર્યા ગયા અને ૬૦ થી વધુ ઘાયલ થયા. પોલીસે તેને આતંકવાદી ઘટના ગણાવી છે. હનુક્કાહના યહૂદી તહેવાર માટે બોન્ડી બીચ પર હજારો લોકો હાજર હતા. પિતા-પુત્રની જોડી (સાજિદ અને નવીદ અકરમ) એ હત્યાકાંડ શરૂ કર્યો. તેઓ લગભગ ૨૦ મિનિટ સુધી ગોળીબાર કરતા રહ્યા. જવાબી ગોળીબારમાં સાજિદનું મોત થયું, જ્યારે નવીદને ગોળી વાગી હતી.
આ પણ વાંચોઃ પાકિસ્તાનને 12 ભાગોમાં વહેંચવાની ભયાનક યોજના, અસીમ મુનીરની ચિંતા વધી, જાણો શું છે મામલો?
