જ્યારે આપણે ઊંઘીએ છીએ ત્યારે સપનાઓ આવવું સામાન્ય બાબત છે. પણ ક્યારેક ખરાબ સપનાઓ પણ આવે છે. જેને કારણે આપણે ગભરાઇ જઇએ છીએ. આવા સપનાઓ ક્યારેક આવવું સામાન્ય છે. પરંતુ જો તમને દર અઠવાડિયે કે દરરોજ ખરાબ સપનાઓ આવે છે તો તે કોઈ ગંભીર બીમારીનું સંકેત હોઈ શકે છે.
લંડનમાં કરાયેલ અભ્યાસ અનુસાર વારંવાર ખરાબ સપનાઓ આવવું સમયથી પહેલા મૃત્યુના જોખમની ચેતવણી હોઈ શકે છે. આ જોખમ ધુમ્રપાન, મોટાપો અને ખરાબ આહાર કરતા પણ વધુ ગંભીર હોવાનું માનવામાં આવે છે. ઇમ્પિરિયલ કોલેજ લંડન દ્વારા લગભગ 1.80 લાખ લોકો પર આ અભ્યાસ કરવામાં આવ્યો હતો. જેના પરિણામો આશ્ચર્યજનક હતા.
અભ્યાસ શું કહે છે?
અભ્યાસમાં અમેરિકાની અને બ્રિટનની 6 મોટી સ્ટડીઝનું વિશ્લેષણ કરવામાં આવ્યું. જેમાં 1.80 લાખથી વધુ વ્યસ્કો અને 2500 બાળકોનો સમાવેશ કર્યો ગયો હતો. પરિણામે જે લોકોને જેમને દર અઠવાડિયે ખરાબ સપનાઓ આવતા હોય તેમને 70 વર્ષની ઉમર પહેલા મૃત્યુનો જોખમ 3 ગણા વધુ હોવાનો ખુલાસો થયો. આ અભ્યાસમાં કુલ 174 લોકોની સમયથી પહેલા મૃત્યુ થઇ હતી. જેમાંથી 31 લોકોને વારંવાર ખરાબ સપનાઓ આવતી હતી. નિષ્ણાતો જણાવે છે કે ખરાબ સપનાઓના કારણે શરીરમાં સ્ટ્રેસ હોર્મોનનું પ્રમાણ વધી જાય છે. જે ત્વચા અને શરીરમાં સોજો લાવે છે.
ઝડપથી વધે છે ઉંમર
ડૉ. ઓટાઈકૂનું કહેવું છે કે જેમને વારંવાર ખરાબ સપનાઓ આવે છે, તેમના ક્રોમોઝોમ્સમાં ઝડપથી વૃદ્ધાવસ્થાની નિશાની જોવા મળે છે. આનું મુખ્ય કારણ પણ ખરાબ સપનાથી વધતા સ્ટ્રેસ હોર્મોન્સ હોઈ શકે છે. સમયથી પહેલા મૃત્યુના જોખમમાં 40% યોગદાન આ ક્રોમોઝોમ બદલાવનું હોય છે.
અનેક માનસિક અને ન્યુરોલોજિકલ બિમારીઓ સાથે પણ છે સંબંધ
ખરાબ સપનાઓનો સંબંધ ઘણી માનસિક અને ન્યુરોલોજીકલ બીમારીઓ સાથે છે. જેમ કે, ડિપ્રેશન, એન્ઝાયટી, સ્કિઝોફ્રેનિયા, PTSD (પોસ્ટ ટ્રોમેટિક સ્ટ્રેસ ડિસઓર્ડર), ક્રોનિક પેન, લ્યુપસ જેવી ઓટોઈમ્યૂન બીમારીઓ, પાર્કિન્સન અને ડિમેન્શિયા જેવી ન્યુરોલોજીકલ બીમારીઓ આ બધી સ્થિતિઓમાં પણ ખરાબ સપનાઓ સામાન્ય લક્ષણ તરીકે જોવા મળે છે. ખરાબ સપનાઓથી હૃદય સંબંધિત રોગો થવાની પણ શક્યતા રહે છે.
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
