- મુસાની નેટવર્થ લગભગ 99,600 કરોડ રૂપિયા છે
- શેખ હસીનાની કુલ સંપત્તિ માત્ર 2.48 કરોડ રૂપિયા છે
- સલમાન એફ રહેમાનનું નામ બાંગ્લાદેશના અબજોપતિઓમાં બીજા ક્રમે
દેશમાં જ્યારે પણ અબજોપતિઓની વાત થાય છે ત્યારે મુકેશ અંબાણી અને ગૌતમ અદાણીનું નામ સૌથી પહેલા આવે છે. પરંતુ હાલમાં ભડકે બળી રહેલા બાંગ્લાદેશમાં પણ અબજોપતિ છે. બાંગ્લાદેશ અનામત અને હિંસાને લઈને ચર્ચામાં છે. દેશમાં બગડતી સ્થિતિ જોઈને પૂર્વ વડાપ્રધાન શેખ હસીના દેશ છોડીને ભારતમાં શરણ લઈ રહી છે. બાંગ્લાદેશમાં ગરીબી અને બેરોજગારી હોવા છતાં, ઘણા અબજોપતિઓ છે. તો જાણો પૂર્વ પીએમથી પણ વધુ સંપત્તિ કોની પાસે છે.
આ છે સૌથી ધનિક વ્યક્તિ
બાંગ્લાદેશના સૌથી ધનાઢ્ય વ્યક્તિ વિશે વાત કરીએ તો તે મેનપાવર રિક્રુટમેન્ટ ફર્મ DATCO ગ્રુપના સ્થાપક છે. તેનું નામ મુસા બિન શમશેર છે. મુસા બિન આંતરરાષ્ટ્રીય આર્મ્સ ડીલર અને પાવર બ્રોકર છે. મીડિયા રિપોર્ટ્સ અનુસાર મુસાની નેટવર્થની વાત કરીએ તો તે 12 બિલિયન ડોલર એટલે કે લગભગ 99,600 કરોડ રૂપિયા છે. જ્યારે શેખ હસીનાની કુલ સંપત્તિ માત્ર 2.48 કરોડ રૂપિયા છે. આ હિસાબે મુસા બિન શમશેર હસીના કરતા 40 હજાર ગણા અમીર છે. સલમાન એફ રહેમાનનું નામ બાંગ્લાદેશના અબજોપતિઓમાં બીજા ક્રમે આવે છે. સલમાન એફ રહેમાન બાંગ્લાદેશના સૌથી મોટા સમૂહમાંના એક બેક્સિમકો ગ્રુપના ચેરમેન છે. રહેમાનની કુલ સંપત્તિ 2 અબજ ડોલર એટલે કે લગભગ 16,600 કરોડ રૂપિયા છે.
અમીરોમાં શેખ હસીનાના પુત્રનો પણ સમાવેશ
આ પછી તારેક રહેમાનનું નામ આવે છે. તારેક રહેમાન પૂર્વ રાષ્ટ્રપતિ ઝિયાઉર રહેમાન અને પૂર્વ વડાપ્રધાન ખાલિદા ઝિયાના મોટા પુત્ર છે. તારેક રહેમાનની કુલ સંપત્તિ લગભગ 1.7 બિલિયન ડોલર એટલે કે લગભગ 14,110 કરોડ રૂપિયા છે, સજીબ વાજેદ જોય ભૂતપૂર્વ વડા પ્રધાન શેખ હસીનાના પુત્ર અને બાંગ્લાદેશના વડા પ્રધાનના વર્તમાન આઈસીટી સલાહકાર છે. તેઓ ICT કંપની Synapse ના ચેરમેન પણ છે. સજીબની કુલ સંપત્તિ 1.5 અબજ ડોલર એટલે કે લગભગ 12,450 કરોડ રૂપિયા છે. સૈયદ અબુલ હુસૈન એપેક્સ ગ્રૂપના ચેરમેન અને એમડી છે, જે બાંગ્લાદેશના સૌથી મોટા સમૂહમાંના એક છે. આ ઉપરાંત તેઓ બાંગ્લાદેશ એસોસિએશન ઓફ ફાર્માસ્યુટિકલ ઇન્ડસ્ટ્રીઝ (BAPI)ના અધ્યક્ષ પણ છે. હુસૈનની કુલ સંપત્તિ 1.2 બિલિયન એટલે કે લગભગ 9,960 કરોડ રૂપિયા છે. અહમદ અકબર શોભન બસુંધરા ગ્રુપના ચેરમેન છે. તે બાંગ્લાદેશના સૌથી મોટા જૂથોમાંનું એક છે. શોભનની કુલ સંપત્તિ એક અબજ ડોલર એટલે કે લગભગ રૂ. 8300 કરોડ હોવાનું કહેવાય છે. ગિયાસુદ્દીન મામુન મેઘના ગ્રૂપના ભૂતપૂર્વ ચેરમેન છે, જે બાંગ્લાદેશના સૌથી મોટા સમૂહમાંથી એક છે. ગિયાસુદ્દીનની કુલ સંપત્તિ 420 મિલિયન ડોલર એટલે કે લગભગ 3486 કરોડ રૂપિયા છે. ડો. મુહિઉદ્દીન ખાન આલમગીર બાંગ્લાદેશી અર્થશાસ્ત્રી અને રાજકારણી છે. ડૉ. મુહિઉદ્દીનની કુલ સંપત્તિ 400 મિલિયન ડૉલર એટલે કે લગભગ 3320 કરોડ રૂપિયા છે.
