- હમાસ અને ઈઝરાયેલ વચ્ચે ઘમાસાણ યુદ્ધ યથાવત
- તેલ અવીવમાં માર્કસ નેશનલ બ્લડ સર્વિસ સેન્ટરનું ઉદ્ઘાટન
- બ્લડ બેંકને દરરોજ 5,000 યુનિટ રક્તદાન મળ્યું
તેલ અવીવ નજીક રામલામાં માર્કસ નેશનલ બ્લડ સર્વિસ સેન્ટરનું ઉદ્ઘાટન થવાનું હતું, પરંતુ તેના થોડા સમય પહેલા જ હમાસ અને ઈઝરાયેલ વચ્ચે ઘમાસાણ યુદ્ધ છેડાયું છે. આવી સ્થિતિમાં બ્લડ બેંકે હવે ઇઝરાયલી સૈનિકોના બંકરોમાં બ્લડ પહોંચાડવાનું શરૂ કર્યું છે.
ઈઝરાયેલ-હમાસ યુદ્ધ વચ્ચે દેશની નવી મજબૂત, ભૂગર્ભ બ્લડ બેંકે તેનું કામ શરૂ કર્યું છે. તેના કર્મચારીઓ તેમના સાધનોને ભૂગર્ભ બંકરમાં લઈ ગયા અને જીવ બચાવવા લાગ્યા. વાસ્તવમાં તેલ અવીવ નજીક રામલામાં માર્કસ નેશનલ બ્લડ સર્વિસ સેન્ટરનું ઉદ્ઘાટન થવાનું હતું, પરંતુ તેના થોડા સમય પહેલા જ હમાસ અને ઈઝરાયેલ વચ્ચે લોહિયાળ સંઘર્ષ થયો હતો.
યુદ્ધ સ્થિતિમાં બ્લડ બેંક શરૂ કર્યું
લેક મેગોન ડેવિડ એડોમના નેશનલ બ્લડ સર્વિસ ડિવિઝનના ડિરેક્ટર ડૉ. ઇલિયટ શિનારે જણાવ્યું હતું કે, તે સ્પષ્ટ છે કે અમે જે ક્ષણ માટે આ સંસ્થા શરૂ કરી હતી તે આવી ગઈ છે. હમાસના હુમલા પછીના દિવસોમાં કેન્દ્રએ હજારો યુનિટ બ્લડ પહોંચાડ્યું છે. અમે તેમને જરૂરિયાતો પરી પાડવા માટે ખૂબ જ સખત મહેનત કરી. અમારા ઘણા લોકો ઘાયલ થયા હતા અને અમારે તેમની સારવાર કરવી પડી હતી.
યુદ્ધના સમયમાં દેશની જરૂરિયાતોને પૂરી પાડી
યુદ્ધની સ્થિતિને ધ્યાનમાં લઇને બ્લડ બેંકે કહ્યું કે અગાઉની બ્લડ બેંક, જે 1980માં બનાવવામાં આવી હતી, તે યુદ્ધના સમયમાં દેશની જરૂરિયાતોને પૂરી કરવામાં સક્ષમ ન હતી. 2014 માં હમાસ સામે ઇઝરાયેલના ત્રીજા યુદ્ધ પછી, જ્યારે રોકેટ તેલ અવીવ અને અન્ય મોટા શહેરોમાં પહોંચ્યા, ત્યારે વધુ સુરક્ષિત સુવિધા બનાવવાની જરૂરિયાત વિશે ચર્ચાઓ શરૂ થઈ. અગાઉ, જ્યારે પણ ઇઝરાયેલ પર રોકેટ છોડવામાં આવ્યા હતા, ત્યારે ટીમે કામ ચાલુ રાખવા માટે સાધનસામગ્રીને બંકરમાં ખસેડવી પડતી હતી. હવે તેઓ અવિરત કામ કરી શકે છે,
દિવસમાં 5 હજાર યુનિટ રક્તદાન
ઇઝરાયલે ગાઝામાં હમાસને ખતમ કરવાની પ્રતિજ્ઞા લીધી છે. જેમ જેમ ઇઝરાયેલી સૈનિકો ગાઝા પટ્ટીમાં આગળ વધે છે તેમ, કેન્દ્ર રક્ત તબદિલીની જરૂર પડી શકે તેવા જાનહાનિની સંખ્યામાં સંભવિત વધારાની તૈયારી કરી રહ્યું છે. યુદ્ધ શરૂ થયું ત્યારથી હજારો લોકો રક્તદાન કરવા માટે કલાકો સુધી લાઇનમાં ઊભા છે. ઑક્ટોબરની શરૂઆત સુધીમાં, કેન્દ્રને દરરોજ 5,000 યુનિટ રક્તદાન મળ્યું છે. એકવાર રક્ત દાન કરવામાં આવે તે પછી, તેને હોસ્પિટલોમાં સ્થાનાંતરિત કરવામાં આવે છે અને યુદ્ધના મેદાનમાં ઘાયલ સૈનિકોની સારવાર માટે સીધા ઇઝરાયેલી સૈન્યને આપવામાં આવે છે.
