અલ્તાફ ખફી વિરૂધ્ધ હત્યાના પ્રયાસનો ગુન્હો નોંધાયો : સમગ્ર વિસ્તારમાં પોલીસનો ચુસ્ત બંદોબસ્ત
જામનગરમાં કોર્પોરેટર અસલમ ખીલજી પર હુમલો થયો છે. અસલમ ખીલજી કોંગ્રેસ છોડી તાજેતરમાં આમ આદમી પાર્ટીમાં જોડાયા છે. મહાનગરપાલિકા કચેરીની બહાર અજાણ્યા શખ્સોએ હુમલો કર્યો છે. અસલમ ખીલજી પૂર્વ વિપક્ષી નેતા અને વર્તમાન ટર્મમાં વોર્ડ નંબર 12ના કોર્પોરેટર છે. ઈજાગ્રસ્ત અસલમ ખીલજીને જી.જી. હોસ્પિટલમાંથી વધુ સારવાર માટે ખાનગી હોસ્પિટલમાં લઈ જવામાં આવ્યાં હતાં. આ ઘટનામાં તેના પૂર્વ સાથીદાર અલ્તાફ ખફી વિરૂધ્ધ હત્યાના પ્રયાસનો ગુનો નોંધાયો છે.
જામનગર મહાનગરપાલિકાના પૂર્વ વિરોધ પક્ષના નેતા અને હાલ આમ આદમી પાર્ટીમાં જોડાયેલા અસલમ ખીલજી પર આજે હુમલો થયો છે. આ ઘટના મહાનગરપાલિકાના પ્રવેશદ્વાર બહાર બની હતી. અસલમ ખીલજી મહાનગરપાલિકાની કચેરીમાંથી બહાર નીકળી રહ્યા હતા, તે સમયે ભીડભંજન રોડ પર મુખ્ય કચેરીના ગેટ પાસે કેટલાક અજાણ્યા શખ્સોએ તેમના પર ધોકા અને પાઇપ જેવા હથિયારો વડે હુમલો કર્યો હતો. આ હુમલામાં તેમને હાથ-પગમાં ઈજાઓ પહોંચી હતી.
આ ઘટનાની જાણ થતાં જ અસલમ ખીલજીના સમર્થકો જી.જી. હોસ્પિટલ ખાતે ઉમટી પડ્યા હતા. પોલીસ ટુકડી પણ ઘટના સ્થળે અને ત્યારબાદ હોસ્પિટલ પહોંચી હતી. પોલીસે આ મામલે ઊંડાણપૂર્વકની તપાસ શરૂ કરી છે. હુમલાખોરો કોણ હતા અને હુમલા પાછળનું કારણ શું હતું તે હજુ જાણી શકાયું નથી. હાલ ઈજાગ્રસ્ત અસલમ ખીલજીને જી.જી. હોસ્પિટલમાંથી વધુ સારવાર માટે ખાનગી હોસ્પિટલમાં લઈ જવામાં આવ્યાં હતાં.
ગત રાત્રે, જામનગર શહેરના લાલ બંગલો સર્કલ થી ભીડભજન મંદિર તરફ માર્ગ પર જામનગર મહાનગર પાલિકા ના પૂર્વ વિપક્ષી નેતા તથા આમ આદમી પાર્ટી ના વોર્ડ નં.૧૨ ના નગરસેવક અસલમ ખીલજી પર જીવલેણ હુમલા બાદ જામનગર પોલીસ સજ્જ બની છે. ત્યારે, જામનગર શહેર વિભાગ ના નાયબ પોલીસ અધિક્ષક જયવીરસિંહ ઝાલાના માર્ગદર્શન હેઠળ સિટી-એ ડિવિઝન પોલીસ સ્ટેશન ના પીઆઇ એન.એ.ચાવડા સહિત સર્વેલન્સ ટીમ અને એલસીબી શાખાના પીએસઆઇ પી.એન.મોરી સહિત સ્ટાફ દ્વારા દરબારગઢ નાકા બહાર આવેલ પાંચ હાટડી વિસ્તાર, ગુજરાતીવાડ વિસ્તાર, પટણીવાડ વિસ્તાર અને વાઘેરવાડા વિસ્તારમાં ફૂટ પેટ્રોલીંગ યોજી અને સમગ્ર વિસ્તારમાં કાયદો અને વ્યવસ્થા જળવાઇ તે માટે ચુસ્ત પોલીસ બંદોબસ્ત ગોઠવવામાં આવ્યો
