ભારતીય જનતા પાર્ટીના નવનિયુક્ત કાર્યકારી પ્રમુખ નીતિન નવીન દિલ્હી પહોંચ્યા હતા. દિલ્હી એરપોર્ટથી સીધા ભાજપ મુખ્યાલય પહોંચ્યા પછી નીતિન નવીનનું ભાજપ કાર્યકરોએ “ભારત માતા કી જય” ના નારા લગાવીને સ્વાગત કર્યું હતું. જેપી નડ્ડા અને ગૃહમંત્રી અમિત શાહે ભાજપ મુખ્યાલયમાં નવા કાર્યકારી પ્રમુખનું સ્વાગત કર્યું.
ભાજપના મુખ્યાલયમાં કરાયુ સ્વાગત
ભાજપ મુખ્યાલયમાં મોટી સંખ્યામાં પાર્ટીના સાંસદો, નેતાઓ અને કાર્યકરોએ નીતિન નવીનનું સ્વાગત કર્યું હતું. તેમનું સ્વાગત કરવા માટે ભાજપ મુખ્યાલયની બહાર મોટી સંખ્યામાં નેતાઓ લાઇનમાં ઉભા હતા. ભાજપ મુખ્યાલયમાં પહોંચેલા નીતિન નવીન આજે પાર્ટીના રાષ્ટ્રીય કાર્યકારી પ્રમુખની જવાબદારી સંભાળી.
દિગ્ગજ નેતાઓ રહ્યા ઉપસ્થિત
અગાઉ દિલ્હી ભાજપ પ્રમુખ વીરેન્દ્ર સચદેવા અને વરિષ્ઠ નેતા વિનોદ તાવડે દિલ્હી એરપોર્ટ પર નીતિન નવીનનું સ્વાગત કર્યું. ભાજપ મુખ્યાલય ખાતે, કેન્દ્રીય મંત્રીઓ પિયુષ ગોયલ, ધર્મેન્દ્ર પ્રધાન, ગિરિરાજ સિંહ અને રવિશંકર પ્રસાદ સહિત અન્ય વરિષ્ઠ નેતાઓએ તેમનું પુષ્પગુચ્છ આપીને સ્વાગત કર્યું. જેપી નડ્ડાએ નીતિન નવીનને પાર્ટી પ્રમુખ તરીકે નિયુક્ત કર્યા. ત્યારબાદ પાર્ટીના વરિષ્ઠ નેતાઓએ તેમને અભિનંદન અને શુભકામનાઓ પાઠવી.
નીતિન નબીન કોણ છે?
- નીતીશ કુમાર સરકારમાં મંત્રી અને પાંચ વખત ધારાસભ્ય.
- તેઓ પટનાના બાંકીપુર વિધાનસભા મતવિસ્તારના ધારાસભ્ય છે.
- તેમને ભાજપના યુવા અને ગતિશીલ નેતાઓમાંના એક માનવામાં આવે છે.
- તેમનો જન્મ 23 મે, 1980 ના રોજ ઝારખંડના રાંચીમાં થયો હતો.
- તેમના પિતા, નવીન કિશોર પ્રસાદ સિંહા, પણ ધારાસભ્ય હતા.
- કિશોર પ્રસાદ જેપી ચળવળ સાથે સંકળાયેલા હતા.
- તેમના પિતાના મૃત્યુ પછી, નીતિન રાજકારણમાં પ્રવેશ્યા.
- તેઓ ભારતીય જનતા યુવા મોરચાના પ્રમુખ અને રાષ્ટ્રીય મહાસચિવ તરીકે સેવા આપી હતી.
- નીતિન પહેલી વાર 2006માં ધારાસભ્ય તરીકે ચૂંટાયા હતા.
- ત્યારથી, તેઓ 2010, 2015 અને 2020માં ધારાસભ્ય તરીકે ચૂંટાયા છે.
