- દક્ષિણ કેરોલિનાના કોનવેમાં એક રેલી દરમિયાન આપ્યુ નિવેદન
- ટ્રમ્પના નિવેદનોથી થઈ રહ્યો છે હોબાળો
- ટ્રમ્પ હંમેશા નાટોના મોટા ટીકાકાર રહ્યા
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ચોંકાવનારું નિવેદન આપ્યું છે. તેમણે કહ્યું છે, કે જો તેઓ આ વર્ષે સત્તામાં પાછા ફરે છે, તો તેઓ નાટો દેશો પર હુમલો કરવામાં રશિયાનું સમર્થન કરશે, જે પૈસા ચૂકવતા નથી. આ સાથે તેણે અમેરિકામાં રહેતા ઈમિગ્રન્ટસને મોટા પાયા પર દેશની બહાર મોકલવાની વાત કરી છે. ટ્રમ્પના આ બે નિવેદનોને લઈને ભારે હોબાળો થઈ રહ્યો છે.
ટ્રમ્પ નાટોની ટીકા કરે છે
નાટો 31 દેશોનું સંગઠન છે, જેના સભ્ય દેશો અમેરિકા દ્વારા સુરક્ષિત છે. તેના બદલામાં તમામ દેશો અમેરિકાને નિશ્ચિત રકમ ચૂકવે છે. હવે ટ્રમ્પે કહ્યું છે કે, જે દેશો સુરક્ષાના બદલામાં નિશ્ચિત રકમ ચૂકવી રહ્યા નથી તેઓ પર હુમલો કરવામાં તેઓ રશિયાને સમર્થન આપશે. યુક્રેન પણ નાટો સંગઠનનું સભ્ય છે, જેની સાથે રશિયા એક વર્ષથી વધુ સમયથી યુદ્ધ લડી રહ્યું છે. રશિયાએ ફેબ્રુઆરી 2022માં યુક્રેન પર હુમલો કર્યો હતો. ત્યારથી, બંને દેશો વચ્ચે યુદ્ધ ચાલુ છે, જેમાં યુક્રેનને ભારે નુકસાન થયું છે.
રાજકારણીઓએ ચિંતા વ્યક્ત કરી
ટ્રમ્પના આ નિવેદન પર ઘણા રાજનેતાઓએ ચિંતા વ્યક્ત કરી હતી. તે જ સમયે, કેટલાક નેતાઓનું માનવું છે, કે ટ્રમ્પ અવિચારી નિવેદનો આપી રહ્યા છે. અને આવું ક્યારેય બન્યું ન હોત. “એવું લાગે છે કે ટ્રમ્પ રશિયાને નાટો દેશો પર હુમલો કરવા માટે પ્રોત્સાહિત કરી રહ્યા છે,બીજી તરફ રૂઢિચુસ્ત ટીકાકાર એલિસા ફરહા ગ્રિફિને કહ્યું કે, ટ્રમ્પના શબ્દો રશિયન રાષ્ટ્રપતિ પુતિનને પસંદ આવ્યા હશે.
માઈગ્રન્ટસને લઈ વિવાદ
ટ્રમ્પે યુએસ-મેક્સિકો બોર્ડર પર ઘૂસણખોરીના મુદ્દાના ઉકેલ માટે લાવવામાં આવેલા બિલને નકારી કાઢવા પર પણ ખુશી વ્યક્ત કરી હતી. આ બિલ અમેરિકી રાષ્ટ્રપતિ જો બિડેન લાવ્યા છે. વર્ષ 2020ની રાષ્ટ્રપતિની ચૂંટણીમાં બિડેને ટ્રમ્પને હરાવ્યા હતા. ટ્રમ્પે વચન આપ્યું હતું કે, જો તેઓ આ વખતે રાષ્ટ્રપતિ બનશે તો તેઓ તેમના કાર્યકાળના પહેલા જ દિવસથી મોટા પાયા પર માઈગ્રન્ટસને દેશની બહાર મોકલવાનું શરૂ કરશે.ટ્રમ્પ વિરુદ્ધ અલગ-અલગ કોર્ટમાં 90થી વધુ ફોજદારી કેસ નોંધાયેલા છે. આમ છતાં ડોનાલ્ડ ટ્રમ્પ યુએસ પ્રમુખપદની ચૂંટણીમાં જો બિડેન સામે સારું પ્રદર્શન કરી રહ્યા છે. ટ્રમ્પ પર 2020ની ચૂંટણીના પરિણામોને પલટાવવાનો પ્રયાસ કરવાનો, રાષ્ટ્રપતિ પદ છોડવા છતાં ગુપ્ત સરકારી દસ્તાવેજો જાળવી રાખવા અને શારીરિક સંબંધો માટે મહિલાને ચૂકવણી કરવાનો આક્ષેપ છે.
