- અમદાવાદ સહિત 29 સ્થળો પર દરોડા પડ્યા છે
- એજન્ટ બોબી પટેલ, રાજુ પ્રજાપતિને ત્યાં દરોડા પડ્યા
- દરોડામાં ED દ્વારા ડિજિટલ ડેટા જપ્ત કરવામાં આવ્યો
અમેરિકા-કેનેડામાં ઘુસણખોરી કેસમાં EDની કાર્યવાહી શરૂ થઇ છે. જેમાં અમદાવાદ સહિત 29 સ્થળો પર દરોડા પડ્યા છે. તેમાં એજન્ટ બોબી પટેલ, રાજુ પ્રજાપતિને ત્યાં દરોડા પડ્યા છે. એજન્ટ ભાવેશ પટેલ સહિત 5ને ત્યાં દરોડામાં ED દ્વારા ડિજિટલ ડેટા જપ્ત કરવામાં આવ્યો છે.
એક હજાર કરોડની એન્ટ્રીઓ મળી હોવાની માહિતી મળી
એક હજાર કરોડની એન્ટ્રીઓ મળી હોવાની માહિતી મળી છે. તેમજ 50 લાખ વિદેશી અને રૂ.1.50 કરોડની રોકડ જપ્ત કરાઇ છે. EDએ PMLA એક્ટ હેઠળ ગુના દાખલ કરાયો છે. 3 વર્ષમાં 1500 જેટલા લોકોને ગેરકાયદે વિદેશ મોકલ્યા છે. તેમજ EDને કેટલાક બોગસ પાસપોર્ટ પણ મળી આવ્યા છે. અમદાવાદ સહિત દેશભરમાં 29 સ્થળોએ દરોડા પાડીને 50 લાખનુ વિદેશી ચલણ જપ્ત કર્યુ છે. સીબીઆઇના દરોડા બાદ ઇડીએ યુએસ અને કેનેડામાં ગેરકાયદેસર ઘૂસણખોરી કરાવનારના ગુજરાતના કુખ્યાત એજન્ટો ભરત પટેલ ઉર્ફે બોબી પટેલ અને સાગરિત ચરણજીત સિંગની ઓફિસ અને રહેઠાણે ઇડીના અધિકારીઓએ દરોડા પાડયા છે.
ઇડીના અધિકારીઓ દરોડા દરમિયાન 50 લાખનું વિદેશી ચલણ મળ્યુ
ઇડીના અધિકારીઓ દરોડા દરમિયાન 50 લાખનું વિદેશી ચલણ, 1.50 કરોડની બીન હિસાબી રોકડ રકમ, વીઝા કરવા માટે બોગસ બનાવેલા દસ્તાવેજો જપ્ત કર્યા છે. તમામ એજન્ટોએ ત્રણ વર્ષમાં 1500 જેટલા લોકોને ગેરકાયદેસર વિદેશ મોકલ્યા છે જેની એક હજાર કરોડની એન્ટ્રીઓ ઇડીને મળતા પીએમએલએ એક્ટ હેઠળ ગુનો દાખલ કર્યો છે. ઇડીએ અમદાવાદમાં ઘાટલોડિયા, નારણપુરા,ગાંધીનગર ઉપરાત દિલ્હી, કોલકત્તા અને મહારાષ્ટ્રમાં પણ દરોડા પાડયા છે. ચારેય રાજ્યોના એજન્ટો મળીને ઇન્ટરનેશનલ રેકેટ ચલાવતા હતા.
એક વ્યક્તિના 75 લાખ, કપલ હોય તો 1.25 કરોડ અને બાળકો હોય તો 1.50 કરોડ રૂપિયા ચાર્જ કરતા
બોબી પટેલ અને તેનો સાગરિત ચરણજીત સિંગ એક વ્યક્તિના 75 લાખ, કપલ હોય તો 1.25 કરોડ અને બાળકો હોય તો 1.50 કરોડ રૂપિયા ચાર્જ કરતા હતા. એજન્ટો મેકિસકો, યૂરોપિયન કન્ટ્રી તેમજ યુએસ અને કેનેડાના એજન્ટો સાથે વોટ્સએપમાં બનાવી ગો-ઓન અમેરિકાની એપના માધ્યમથી સંપર્કમાં હતો. ઇડીના દરોડામાં બોગસ પાસપોર્ટ પણ મળી આવ્યા છે. અનેક ગૂનામાં સંડોવાયેલો બોબી પટેલ પોલીસના હાથમાં આવ્યો નહતો.
