ઈંગ્લેન્ડે ચેમ્પિયન્સ ટ્રોફી 2025 માટે પોતાની ટીમની જાહેરાત કરી દીધી છે. આવતા વર્ષે ફેબ્રુઆરી અને માર્ચ મહિનામાં ચેમ્પિયન્સ ટ્રોફીનું આયોજન કરવામાં આવશે. ઈંગ્લેન્ડ એન્ડ વેલ્સ ક્રિકેટ બોર્ડ (ECB) એ 15 સભ્યોની ODI ટીમની જાહેરાત કરી છે. આ ટીમ આગામી ભારતીય પ્રવાસ પર ODI સિરીઝ રમશે અને આ ટીમ ચેમ્પિયન્સ ટ્રોફીમાં પણ રમશે. ટીમની કપ્તાની જોસ બટલરને સોંપવામાં આવી છે. દરમિયાન, ઈંગ્લેન્ડની ટેસ્ટ ટીમના કેપ્ટન બેન સ્ટોક્સની 50 ઓવરની ટૂર્નામેન્ટ ચેમ્પિયન્સ ટ્રોફી માટે પસંદગી કરવામાં આવી નથી.
બેન સ્ટોક્સને ના મળ્યું સ્થાન
જો રૂટ લગભગ એક વર્ષ પછી ODI ટીમમાં પરત ફરશે, જે છેલ્લે 2023 ODI ક્રિકેટ વર્લ્ડ કપમાં 50 ઓવરની મેચો રમતા જોવા મળ્યો હતો. બેન સ્ટોક્સની વાત કરીએ તો તાજેતરમાં જ ન્યુઝીલેન્ડ સામેની ટેસ્ટ સીરીઝ દરમિયાન તેને હેમસ્ટ્રિંગમાં ઈજા થઈ હતી. આ કારણથી સ્ટોક્સને ન તો ભારત સામેની વનડે સિરીઝ માટે પસંદ કરવામાં આવ્યો છે અને ન તો ચેમ્પિયન્સ ટ્રોફી માટે. ફાસ્ટ બોલર માર્ક વુડ તાજેતરમાં પાકિસ્તાન અને ન્યુઝીલેન્ડ સામેની સિરીઝમાં રમ્યો ન હતો. તે ઈંગ્લેન્ડની ટીમમાં પણ વાપસી કરશે.
જોસ બટલર બન્યો કેપ્ટન
જોસ બટલરની કપ્તાની હેઠળ, ઇંગ્લેન્ડ ગયા વર્ષે 2023 ODI વર્લ્ડ કપ અને પછી T20 વર્લ્ડ કપ 2024માં ઇતિહાસ રચવામાં નિષ્ફળ રહ્યું હતું. આમ છતાં જોસ બટલર સુકાનીપદ જાળવી રાખવામાં સફળ રહ્યો છે. શક્ય છે કે બટલર ચેમ્પિયન્સ ટ્રોફીમાં વિકેટ કીપિંગ ન કરી શકે કારણ કે ફિલ સોલ્ટ સિવાય યુવા જેમી સ્મિથના રૂપમાં ટીમમાં વિકેટકીપિંગના બે વિકલ્પોનો સમાવેશ કરવામાં આવ્યો છે.
ઈંગ્લેન્ડે બેથેલને તક આપી
ઈંગ્લેન્ડની ટી-20 ટીમ પણ ઘણી મજબૂત છે. બટલર આ સિરીઝમાં પણ કેપ્ટનશિપ કરશે. આર્ચર T20 અને ODI બંને સિરીઝમાં રમશે. જેકબ બેથેલને ટી20 સીરીઝ માટે તક મળી છે. તે એક અદ્ભુત ખેલાડી છે અને તેણે પોતાના દમદાર પ્રદર્શનથી બધાને પ્રભાવિત કર્યા છે. બ્રુક અને બેન ડકેટ ટી20 સિરીઝનો ભાગ છે. તે વનડેમાં પણ રમશે.
ભારત પ્રવાસ આવશે ઈંગ્લેન્ડની ટીમ
ભારત અને ઈંગ્લેન્ડ વચ્ચે 3 ODI અને 5 T20 મેચોની સિરીઝ રમાશે. T20 સિરીઝની પ્રથમ મેચ 22 જાન્યુઆરીએ કોલકાતામાં રમાશે. આ સિરીઝની છેલ્લી મેચ 2 ફેબ્રુઆરીએ મુંબઈમાં રમાશે. આ પછી 6 ફેબ્રુઆરીથી 12 ફેબ્રુઆરી સુધી ત્રણ મેચની વનડે સિરીઝ રમાશે. પ્રથમ ODI નાગપુરમાં, બીજી ODI કટકમાં અને ત્રીજી ODI અમદાવાદમાં રમાશે.
ભારત સામેની વનડે સિરીઝ માટે ઈંગ્લેન્ડની ટીમ
જોસ બટલર (કેપ્ટન), જોફ્રા આર્ચર, ગુસ એટકિન્સન, જેકબ બેથેલ, હેરી બ્રુક, બ્રાઈડન કાર્સ, બેન ડકેટ, જેમી ઓવરટોન, જેમી સ્મિથ, લિયામ લિવિંગસ્ટોન, આદિલ રશીદ, જો રૂટ, સાકિબ મહમૂદ, ફિલ સોલ્ટ, માર્ક વુડ.
ચેમ્પિયન્સ ટ્રોફી માટે ઈંગ્લેન્ડની ટીમ
જોસ બટલર (કેપ્ટન), જો રૂટ, જોફ્રા આર્ચર, ગુસ એટકિન્સન, જેકબ બેચલર, હેરી બ્રુક, બ્રાઈડન કાર્સ, બેન ડકેટ, જેમી ઓવરટન, જેમી સ્મિથ, લિયામ લિવિંગસ્ટોન, આદિલ રશીદ, સાકિબ મહમૂદ, ફિલ સોલ્ટ અને માર્ક વુડ.
