- સંક્રમિત વ્યક્તિના કપડા અને રૂમાલથી પણ દૂર રહો
- તડકામાં નીકળવાનું ટાળો અને સનગ્લાસનો ઉપયોગ કરો
- ગરમ અને ઠંડા પાણીનો શેક કરવાથી પણ થશે લાભ
હાલમાં રાજ્યમાં આઈ ફ્લૂ ઝડપથી ફેલાઈ રહ્યો છે. તેમાં આંખમાં સોજો આવવો, લાલાશ દેખાવવી અને સાથે દર્દ થવા જેવા લક્ષણો પણ જોવા મળે છે. તેને મેડિકલ ભાષામાં પિંક આઈ ઈન્ફેક્શન કે કંજક્ટિવાઈટિસ પણ કહેવામાં આવે છે. તેમાં આંખમાંથી સતત પાણી નીકળે છે અને આંખમાં દર્દ અને બળતરા થાય છે. આ સંક્રમણ ઓછામાં ઓછું એક અઠવાડિયા સુધી રહે છે. વધતા ઈન્ફેક્શનના પ્રકોપથી તમે બચવા ઈચ્છો છો તો પહેલા કેટલીક સાવધાની રાખો અને પછી જાણો કે જો તમે તેનો શિકાર બનો તો તેનાથી બચવાના ઉપાયો.
રાખો આ સાવધાની
- પહેલા તો જો તમારી આસપાસ કોઈને આઈ ઈન્ફેક્શન છે તો તેમનાથી દૂર રહો. કેમકે તેમના સંપર્કમાં આવવાથી તમે પણ તેનો શિકાર બની શકો છો.
- સંક્રમિત વ્યક્તિના કપડા અને રૂમાલથી પણ દૂર રહો. તેના પ્રભાવમાં તમે આવશો તો તમે પણ આઈ ફ્લૂનો શિકાર બનશો. તે એક ઈંફેક્શિયસ ડિસિઝ છે.
- જો તમારી આંખ આવી છે તો તડકામાં નીકળવાનું ટાળો અને સનગ્લાસનો ઉપયોગ કરો. આ સિવાય તમે કંઈ પણ અડ્યા બાદ હાથ ધોઈ લો. સતત લોકોથી અંતર જાળવો.
આ ઘરેલૂ ઉપાયો તમને બચાવશે આઈ ઈન્ફેક્શનથી
- જો તમારી આંખો સંક્રમિત છે તો તમે ગરમ શેકથી પણ રાહત મેળવી શકો છો. એક બાઉલમાં ગરમ પાણી લો અને સુતરાઉ રૂમાલ પલાળીને તેનાથી શેક કરો.
- આ સિવાય તમે ઠંડા પાણીનો શેક પણ કરી શકો છો. તેનાથી ઈન્ફેક્શનના લક્ષણો ઓછા થશે. આ માટે તમે એક કપડાને ઠંડા પાણીમાં પલાળીને આંખ પર લગાવો. આંખને જોરથી ન દબાવો. આંખ પર સીધો બરફ ન લગાવો.
- કેસ્ટર ઓઈલમાં એન્ટી ઈન્ફ્લેમેટરી ગુણ હોય છે જે આંખના સોજાને ઘટાડે છે. તો આંખની આસપાસ તમે આ તેલ લગાવો અને પછી માલિશ કરો.
