કંડાચ ગામે ફોલ્ટથી અઠવાડિયાથી એગ્રીકલ્ચરની વીજળીના વલખાં

• બોર – કૂવાના પાણી પર નભતા ખેડૂતોની હાલત કફોડી
• સમગ્ર કાલોલ તાલુકામાં રેઢિયાળ બનેલી વીજલાઇનો દૂરસ્ત કરવાની જરૂરીયાત
  
• કંડાચ ગામે એગ્રીકલ્ચરની લાઈનમા ફોલ્ટ સર્જાયો હતો.
  

કાલોલ વિસ્તારમાં આવેલા કંડાચ ગામમાં એમજીવીસીએલ વિભાગની બેદરકારીએ પાછલા એક અઠવાડિયાથી એગ્રીકલ્ચરની લાઈન પર ફેલ્ટ સર્જાઈને વીજ પુરવઠો ખોરવાતા ખેડૂતોમાં આક્રોશ જોવા મળે છે.

પ્રાપ્ત વિગતો અનુસાર કાલોલ તાલુકાના કંડાચ ગામમાં પાછલા એક અઠવાડિયાથી એગ્રીકલ્ચરની વિજળીના ધાંધિયા સર્જાતા ખેડૂતોના ઉભા રવિ પાકોને બોર/કુવાના પાણી પર નભતા પાકો સુકાતાં એમજીવીસીએલ વિભાગ વિરુદ્ધ આક્રોશ ઠાલવ્યો હતો. કાલોલ એમજીવીસીએલ વિભાગની કચેરી હેઠળના ગ્રામ્ય વિસ્તારોમાં નમેલા વીજ થાંભલાઓ, નીચે લટકતા વીજવાયરો અને ટ્રાન્સફેર્મરો જે ઝાડી ઝાંખરાથી ઘેરાયેલા જોવા મળે છે જેને દુરસ્ત કરવા માટે એમજીવીસીએલ વિભાગ દ્વારા અવારનવાર વીજકાપ લાદીને લાઈનો સાફ્ કરવાની કામગીરી કરવામાં આવે છે. પરંતુ આખા દિવસના વીજકાપ અને કામગીરીને અંતે પણ તંત્રની દેખરેખના અભાવે ગ્રામ્ય વિસ્તારોમાં સમસ્યાઓનું સમારકામ કરવાની કામગીરીમાં વેઠ ઉતારતા હોવાને પગલે ઝાડી ઝાખરાઓથી ઘેરાયેલી વીજલાઇનો અને ટ્રાન્સફેર્મરો પર અવારનવાર ધાંધિયા સર્જાતા રહે છે. જે મધ્યે કંડાચ ગામના ખેડૂતોના જણાવ્યા અનુસાર કંડાચ ગામમાં પાછલા એક સપ્તાહથી સર્જાયેલા વીજ ફેલ્ટ અંગે કાલોલ એમજીવીસીએલ કચેરીને વારંવાર રજૂઆત કરવા છતાં સમસ્યાનું નિવારણ નહીં ખેડૂતોએ એમજીવીસીએલ વિભાગ સામે ભારે આક્રોશ વ્યક્ત કર્યો હતો. તાલુકા એગ્રીકલ્ચરની વીજલાઇનોની હાલત કફેડી જોવા મળે છે જેને પગલે અવારનવાર ફેલ્ટ સર્જાતા રહે છે અને ફેલ્ટના નિરાકરણ માટે અપૂરતા સ્ટાફ્ને કારણે ગામડાઓનોવીજ પુરવઠો ખોરવાતો જોવા મળે છે.